Претседателот Стево Пендаровски денеска во проштална средба го прими амбасадорот на Република Словенија во Република Северна Македонија, Милан Предан.
На средбата двајцата соговорници изразија задоволство од одличните билатерални односи меѓу двете земји и очекување дека успешната соработка и меѓусебната поддршка ќе продолжат и во иднина.
Претседателот Пендаровски за заблагодари за принципиелната и недвосмислена поддршка од Словенија во однос на европските перспективи на нашата земја, и изрази уверување дека двете земји ќа имаат уште поинтензивна соработка во процес на пристапните преговори на Северна Македонија со Европската Унија.
На средбата беа разменети мислења за актуелните случувања во Европа и регионот, како и за потребата од засилена регионална соработка и солидарност со цел надминување на безбедносните и економските предизвици.
Претседателот Пендаровски го поздрави дипломатскиот ангажман на амбасадорот Предан и неговиот конструктивен придонес во продлабочување на пријателството меѓу Северна Македонија и Словенија.
