Промоција на публикацијата „Солидарност – од надминување кризи до одржлив развој“

15 мај 2023 | Соопштенија

Претседателот Стево Пендаровски денеска се обрати на промоција на публикацијата насловена „Солидарност – од надминување кризи до одржлив развој“, подготвена од страна на канцеларијата на Програмата за развој на Обединети нации (УНДП) во Скопје, преку Институтот за демократија „Социетас Цивилис“ (ИДСЦС).

Публикацијата содржи тринаесет авторски трудови на тема солидарност и е изработена по повод одбележувањето на 60 годишнината од катастрофалниот земјотрес во Скопје, со цел поттикнување на јавната дискусија околу важноста на солидарноста во развојните цели и градењето на отпорни општества.

Претседателот Пендаровски во своето обраќање го потенцираше значењето на солидарноста истакнувајќи дека само обединет, солидарен и отворен свет може да одговори соодветно на глобалните предизвици кои стануваат сè покомплексни и за жал, сè поопасни.

„Наша обврска кон сегашните и идни генерации е да поставиме соодветни услови за напредок и развој и низ сопствени примери да етаблираме морални вредности врз кои е единствено можен подобар свет“, истакна претседателот Пендаровски.

„Пред шест децении,  тогашниот свет, целосно идеолошки поделен, се сплоти во поддршката на еден град разурнат од огромна природна катастрофа, и на дело го покажа значењето на интернационалната солидарност и целисходноста од постоењето на Обединетите нации и системот на поддршка кој тие го имаат. Свежи во сеќавањата ни се и последните примери со разорните земјотреси во Турција и Сирија и важноста на солидарноста што во таа прилика повторно ја покажа светот, но, и бројни држави, невладини организации и совесни поединци. Без солидарност многу потешко ќе ја пребродевме и Ковид пандемијата, само врз база на солидарност може да се решава прашањето на климатските проблеми, како и многу други комплексни предизвици што го мачат човештвото“, рече во обраќањето претседателот Пендаровски.

На настанот се обратија Марина Валтер, заменичка на регионалната директорка на УНДП за Европа и Централна Азија, Владимир Десков, ко-автор на есејот „Изградба на градот на солидарноста“, кој се осврна на пост-земјотресната обнова на Скопје од архитектонски аспект и Ненад Марковиќ од Институтот за демократија „Социетас Цивилис“ (ИДСЦС), кој ги образложи темите, целта и подготовката на публикацијата.

„Драго ми е што УНДП го предводи процесот за одбележувањето на 60 години од земјотресот во Скопје со серија настани како овој денеска, со Претседателот на државата. Она што нè дефинира како цивилизација во клучни моменти, кога го даваме најдоброто од нас е солидарноста. Скопје, градот на солидарноста го знае тоа најдобро. Во публикацијата што ја презентираме денеска изработена од активисти, експерти, студенти, професори и млади луѓе, не само што се нагласува важноста на солидарноста од повеќе аспекти, туку и се отвора една визија за иднината, како да се продолжи напред“, изјави Марина Валтер, заменичка на регионалната директорка на УНДП.

Во рамки на настанот, на авторите на публикацијата им беа врачени благодарници од страна на Армен Григорјан, постојаниот претставник на УНДП во земјава.

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод празникот Свети Климент Охридски

Честитка од претседателот Пендаровски по повод празникот Свети Климент Охридски

Претседателот Стево Пендаровски, по повод христијанскиот празник Свети Климент Охридски упати честитка до поглаварот на Македонската Православна Црква – Охридска Архиепископија, Господин Господин Стефан, Архиепископ Охридски и Македонски и на Јустинијана Прима и до...

Ѓоргиевска: Потребна е зголемена будност и грижа за менталното здравје на жената без разлика на нејзината возраст, положба и статус.

Ѓоргиевска: Потребна е зголемена будност и грижа за менталното здравје на жената без разлика на нејзината возраст, положба и статус.

Сопругата на претседателот, Елизабета Ѓоргиевска учествуваше и се обрати на панел дискусијата „Здравјето не е само физичко -Ти ја имаш силата“ што се одржа во организација на НЕОКОРТЕКС - Центар за психотерапија, психодијагностика, тренинг и едукација. Во своето...

Сопругата на претседателот учествуваше на настанот „Едуцирај, ангажирај се, еманципирај: Панел-дискусија за превенција на адолесцентна бременост“

Сопругата на претседателот учествуваше на настанот „Едуцирај, ангажирај се, еманципирај: Панел-дискусија за превенција на адолесцентна бременост“

 Сопругата на претседателот, Елизабета Ѓоргиевска учествуваше на настанот „Едуцирај, ангажирај се, еманципирај: Панел-дискусија за превенција од адолесцентна бременост“ што се одржа во Eвропска куќа, Скопје. ...

Отворен Кабинет за ученици од ООУ „Круме Кепески“ и ООУ „11 Октомври“ од Скопје

Отворен Кабинет за ученици од ООУ „Круме Кепески“ и ООУ „11 Октомври“ од Скопје

Во рамки на Отворен Кабинет, ученици од ООУ „Круме Кепески“ и ООУ „11 Октомври“ од Скопје, денеска го посетија Кабинетот на претседателот Пендаровски. За време на престојот, се сретнаа и...

Обраќање на претседателот Пендаровски на одбележувањето на 30 години од основањето на Државниот завод за индустриска сопственост

Обраќање на претседателот Пендаровски на одбележувањето на 30 години од основањето на Државниот завод за индустриска сопственост

Претседателот Стево Пендаровски денеска се обрати на настанот со кој се одбележува 30-годишнината од основањето на Државниот завод за индустриска сопственост.  Почитуван директор на Државниот завод, Почитувани...