Претседателот Стево Пендаровски, утре – 26 април 2023 година, среда, ќе биде домаќин на претседателката на Република Косово, Вјоса Османи-Садриу, која ќе престојува во официјална посета на Република Северна Македонија.
Претседателката Османи-Садриу ќе биде пречекана со највисоки државни и воени почести на официјална церемонија во Кабинетот на претседателот, по што ќе следува тет-а-тет средба на претседателите Пендаровски и Османи-Садриу и пленарен состанок на делегациите на Северна Македонија и Косово.
Во рамки на посетата, во црквата „Св. Спас“ во Скопје двајцата претседатели ќе положат венци на гробот на Гоце Делчев.
ПРОГРАМА: среда, 26 април 2023 година
- 10:00 часот – Официјална церемонија на пречек со највисоки државни и воени почести
- 10:15 часот – Тет-а-тет средба
- 10:30 часот – Пленарен состанок на делегациите
- 11:20 часот – Заедничка прес-конференција на претседателот Пендаровски и претседателката Османи – Садриу.
Ги покануваме акредитираните медиумски екипи во Кабинетот на претседателот во 09:00 часот.
Официјалната церемонија на пречек и заедничката прес-конференција се отворени за сите акредитирани медиуми, а ќе бидат пренесувани во живо и на дигиталните платформи на претседателот Пендаровски (Фејсбук и Јутјуб).
- 12:00 часот (црква „Св. Спас“) – Полагање на венци на гробот на Гоце Делчев.
Ги покануваме акредитираните сниматели и фоторепортери во црквата „Св. Спас“ во 11:40 часот.
За време на официјалната посета, косовската претседателка Вјоса Османи-Садриу ќе оствари средби и со претседателот на Собранието Талат Џафери, претседателот на Владата, Димитар Ковачевски и ќе се обрати на свечена седница во Собранието на Република Северна Македонија.
За сите дополнителни прашања и информации, претставниците на медиумите може да се обратат на Билјана Радева +389 76 45 55 45 [email protected]