Претседателот Стево Пендаровски денеска го прими Раде Христовски, гувернер на Ротари Дистрикт 1912.
Христовски го информираше Претседателот за тековните активности и идните планови во насока на реализација на проекти од важност за заедницата, како и за меѓународната соработка што ја остваруваат.
Претседателот Пендаровски упати честитки до Христовски како прв Македонец, гувернер на Ротари Дистрикт 1912, со што се остварува долгогодишниот стремеж на ротаријанците од нашата држава да имаат свој Дистрикт и свој гувернер. Претседателот изрази очекување дека оваа функција ќе придонесе за јакнење на ротаријанското движење и неговата улога во рамки на Ротари Интернационал и изрази поддршка на нивните локални и меѓународни проекти.
Ротари Дистриктот 1912 ги обединува сите ротари клубови од Словенија и Северна Македонија. Во Дистрикт 1912 во моментот дејствуваат вкупно 76 ротари клубови и уште 24 клубови на млади ротари.
