Претседателот Пендаровски во посета на Црвениот крст

6 јули 2022 | Соопштенија

Претседателот Стево Пендаровски на покана на Црвениот крст на Република Северна Македонија денеска присуствуваше на седница на Раководниот одбор на Црвениот крст, на која се дискутираше за развојот на волонтерството во земјата и беше презентиран процесот „Трансформација 28“, како развојна рамка на организацијата во наредниот петгодишен период.

Претседателот Пендаровски беше информиран со тековните активности на Црвениот крст, за нивните препораки со цел унапредување на законските решенија во однос на волонтерството, како и за неопходноста од изноѓање на нови, креативни форми и содржини со цел поттикнување и мобилизирање на волонтерите.

Претседателот истакна дека е важно да се задржи нивото на мотивација кај волонтерите и во периоди кога не се соочуваме со кризни ситуации, како што беше случај со пандемијата, потенцирајќи дека нема подобра мотивација за поттик на волонтерството од давањето на практични и лични примери. Воедно, посочи на важноста и користа од застапеност на различни генерациски структури во волонтерските редови.  Тој уште еднаш изрази благодарност до сите волонтери за нивната пожртвуваност и посветеност, охрабрувајќи ги и понатаму да продолжат да придонесуваат за добросостојбата во нашето општество и во интерес на целните групи кои ги опслужуваат.

Во разговорот со членовите на Раководниот одбор, претседателот го поздрави процесот „Трансформација 28“, посочувајќи дека истиот претставува исчекор во развојот, делувањето и прилагодувањето на Црвениот крст, со цел ефикасно и прогресивно функционирање и соодветно и навремено задоволување на потребите на заедницата.

Генералниот секретар на Црвен Крст, Саит Саити, изрази благодарност до претседателот Пендаровски на соработката и континуираната поддршката на активностите на организацијата, како и за неговиот ангажман за имплементација на хуманитарните заложби на Црвен Крст на Република Северна Македонија.

 

 

Категории

Categories

Kategori

Последни вести

Latest news

Lajmet e fundit

Делегациja од Кабинетот на Претседателот оддадe почит на осумтемина армиски резервисти загинати кај Љуботенски бачила

Делегациja од Кабинетот на Претседателот оддадe почит на осумтемина армиски резервисти загинати кај Љуботенски бачила

Делегациja од Кабинетот на Претседателот на Република Северна Македонија, во состав полковник Билјана Блажеска, аѓутант на претседателот и Валентин Диневски, посебен советник за безбедност, по повод 21-годишнината од загинувањето на осум армиски резервисти кај...

Претставници од Кабинетот на Претседателот оддадоа почит на 10-те армиски резервисти загинати кај Карпалак

Претставници од Кабинетот на Претседателот оддадоа почит на 10-те армиски резервисти загинати кај Карпалак

Претставници од Кабинетот на Претседателот на Република Северна Македонија, по повод 21-годишнината од загинувањето на 10-те армиски резервисти кај месноста Карпалак, денеска положија цвеќе пред спомен-плочата кај месноста Карпалак на автопатот Тетово – Скопје и пред...

Објавен Јавниот повик за признанието „Успешни млади“ за 2021 година

Објавен Јавниот повик за признанието „Успешни млади“ за 2021 година

Кабинетот на Претседателот на Република Северна Македонија продолжува со имплементација на проектот „Успешни млади“, признание кое што се доделува во насока на вреднување на трудот и знаењето на младите, како една од политиките за намалување на одливот на млади луѓе...

Порака од претседателот Стево Пендаровски по повод Европскиот ден на сеќавање за холокаустот врз Ромите

Порака од претседателот Стево Пендаровски по повод Европскиот ден на сеќавање за холокаустот врз Ромите

Претседателот Стево Пендаровски по повод 2 август - Европскиот ден на сеќавање за холокаустот врз Ромите ја упати следната порака: „Сеќавајќи се и оддавајќи почит на милионите жртви во Втората светска војна, не смееме да заборавиме и на над 4300 деца, жени и мажи...

Претседателот Пендаровски положи цвеќе пред спомен-плочата на АСНОМ во манастирот „Св. Прохор Пчински“

Претседателот Пендаровски положи цвеќе пред спомен-плочата на АСНОМ во манастирот „Св. Прохор Пчински“

Претседателот Стево Пендаровски, по повод одбележувањето на 2 Август, Илинден – Денот на Републиката, денеска го посети манастирот „Св. Прохор Пчински“, каде е одржано првото заседание на Антифашистичкото собрание на народното ослободување на Македонија и положи цвеќе...