Претседателот Пендаровски ги додели сертификатите на учесниците во програмата „Млади менаџери и деловни лидери“

2 јуни 2022 | Соопштенија

Претседателот Стево Пендаровски денеска ги додели сертификатите на учесниците во програмата „Млади менаџери и деловни лидери“ што беше организирана од Советот на странски инвеститори, а под покровителство на Кабинетот на претседателот на Република Сeверна Македонија.

Во продолжение е интегралниот текст од обраќањето на претседателот Пендаровски.

Почитуван претседател на Советот на странски инвеститори,
Ценети членови на Советот на странски инвеститори,
Почитувани млади менаџери,
Дами и господа,
Драги пријатели,

Имам особена чест и задоволство да ви се обратам на завршната церемонија на програмата за млади менаџери и деловни лидери којa под покровителство на претседателот, се реализира од страна на Советот на странски инвеститори и им овозможува на талентирани, млади луѓе до 29 годишна возраст, практично искуство во компаниите кои се членки на Советот.

Благодарение на оваа програма, од јануари до крајот на мај годинава, 32 млади наши сограѓани, преку низа од обуки се стекнаа со вештини и знаења неопходни за нивниот понатамошен професионален развој. Обуките беа спроведени во 18 компании кои се членки на Советот на странски инвеститори. Се радувам што од година во година бројот на компаниите заинтересирани да учествуваат во програмата драстично се зголемува. Така што, ако лани имавме 8, сега имаме 18 компании учесници во програмата. Ставајќи се на располагање на младите менаџери и бизнис лидери овие стопански субјекти направија извонредно значаен општествено одговорен чекор. Искажувам голема благодарност за нивниот интерес!

Паралелно со бројот на компаниите се зголемува и бројот на кандидати кои аплицираат за програмата и навистина е се потешко да се направи селекција на најдобрите. Впрочем, фактот што четири од учесниците во програмата добија вработување во компаниите каде што ја реализираа програмата говори за двостраниот бенефит.

Очекувам и посакувам овие бројки секоја година да продолжат да растат. Едноставно затоа што полза од тоа имаат и младите менаџери и компаниите. Убеден сум дека ваквите програми суштински придонесуваат за дополнителна мотивација на младите професионалци својата кариера да ја градат во својата татковина. Тие се идните креатори на процесите кои треба да доведат до етабилирање на систем на чиј што врв ќе бидат квалитетот, посветеноста, професионалноста и моралните вредности. Тоа е предуслов да дојдеме до просперитетна, модерна и развиена Република Северна Македонија што е несомнено заеднички интерес на сите наши граѓани и на бизнис заедницата.

Во овој контекст би сакал да ја споменам и изработката на стратешкиот документ МКД 2030 во која свое учество имаше и Советот за странски инвестиции. Имено во него покрај дигитализацијата, децентрализацијата, еколошките, економските, аграрните и здравствените политики, значајно место заземаат и образованието и науката, при што, клучни се анти-миграциските политики и отворањето на перспективи за останување на младите во својата земја.

Почитувани,

Би сакал да го искористам моето денешно обраќање да потенцирам дека програмата за млади менаџери и деловни лидери недвосмислено се покажа како извонредна можност за инволвирање и опфат на различен образовен профил на амбициозни млади луѓе кои имаат желба за квалитетен професионален исчекор.  Не се сомневам дека сите кои беа дел од програмата ќе продолжат да градат успешни кариери и целосно да го реализираат својот потенцијал. Истото важи и за оние кои аплицираа, а не беа меѓу селектираните оваа година, како резултат на големиот интерес и високиот квалитет и конкуренција. Во оваа прилика ги охрабрувам да аплицираат и наредната година. Секако не само на оваа, туку и на други слични програми и проекти кои овозможуваат стекнување на знаење, вештини и искуство.

На крајот, дозволете уште еднаш да им се заблагодарам на Советот за странски инвестиции и на нејзиниот претседател Штефан Петер за интересот и одличната соработка, на сите компании учеснички да им посакам успех во бизнисот, а на младите менаџери и лидери, здравје, среќа и секако, успешен професионален развој и кариера.

Ви благодарам.

Категории

Categories

Kategori

Последни вести

Latest news

Lajmet e fundit

Претседателот Пендаровски: Потребни ни се блиски врски меѓу Македонија и дијаспората

Претседателот Пендаровски: Потребни ни се блиски врски меѓу Македонија и дијаспората

Претседателот Стево Пендаровски за време на работната посета на САД по повод учеството на 78. Генерално Собрание на Обединетите Нации, вчера попладне во Чикаго, како почесен гостин, присуствуваше и се обрати на донаторска вечера „Патишта кон просперитет“ во...

Порака од претседателот Пендаровски по повод еврејскиот празник Јом Кипур

Порака од претседателот Пендаровски по повод еврејскиот празник Јом Кипур

Претседателот Стево Пендаровски, по повод одбележувањето на еврејскиот празник Јом Кипур, упати порака до претседателот на Еврејската заедница во Република Северна Македонија, Пепо Леви и до сите припадници на еврејската заедница во Република Северна Македонија....

Претседателот Пендаровски во Њујорк ја одликуваше Организацијата на Обединетите Нации со Орден на Република Северна Македонија

Претседателот Пендаровски во Њујорк ја одликуваше Организацијата на Обединетите Нации со Орден на Република Северна Македонија

Претседателот Стево Пендаровски, во рамки на учеството на Генералното собрание на ОН, вчера попладне во Њујорк ја одликуваше Организацијата на Обединетите Нации со Орден на Република Северна Македонија. Претседателот Пендаровски му го врачи одликувањето на генералниот...

Активности на г-а Елизабета Ѓоргиевска во рамки на учеството на претседателот на 78. Генерално Собрание на ОН

Активности на г-а Елизабета Ѓоргиевска во рамки на учеството на претседателот на 78. Генерално Собрание на ОН

Сопругата на претседателот г-а Елизабета Ѓоргиевска, која престојуваше во Њујорк во придружба на претседателот при неговото учество на 78. сесија на Генералното Собрание на Обединетите Нации, оствари повеќе средби и активности. Г-а Ѓоргиевска оствари средба со Диен...

Интервју на претседателот Стево Пендаровски за Гласот на Америка

Интервју на претседателот Стево Пендаровски за Гласот на Америка

Претседателот Стево Пендаровски во интервју за Гласот на Америка на македонски јазик, изјави дека од Русија зависи дали ќе има примирје во Украина. Тој посочи дека руската делегација се оглушува на сите барања на цивилизираниот и демократскиот свет.  ...