Доделени сертификати на учесниците на „Охрид камп за високо-технолошка извонредност“

17 јули 2022 | Соопштенија

Претседателот Стево Пендаровски ги додели сертификатите на учесниците на второто издание на „Охрид камп за високо-технолошка извонредност“ одржан под негово покровителство, со цел стекнување, надградување и размена на високотехнолошките вештини кај млади луѓе од земјава и дијаспората, како и поттикнување на интересот за СТЕМ учењето, особено кај лица од социо-економски ранливи семејства.

Учесниците на возраст од 10-15 години, за време на еднонеделната наставна програма реализирана од предавачи на СТЕМ, со современи, високоефективни методи на настава и учење имаа можност да ги надградат своите вештини за кодирање и роботика и низ тимска работа да ги разменуваат своите идеи и стекнати искуства. Освен образовната компонента, кампот и годинава им овозможи на учесниците да се вмрежуваат воспоставувајќи нови пријателства, да ги истражуваат локалните природни убавини, нашето културно наследство и традиција.

Учесниците пред претседателот Пендаровски ги презентираа своите проекти во областа на роботиката, реализирани во кампот за високо-технолошка извонредност.

Претседателот Пендаровски честитајќи им на учесниците за  завршената програма, им посака натамошен успех и изрази увереност дека стекнатите пријателства и искуства ќе бидат значаен придонес врз нивниот натамошен личен развој. Во таа насока упати благодарност до организаторите и поддржувачите за одличната реализација на второто издание на кампот, мотивирајќи ги младите да размислуваат креативно и постојано да се стремат кон нови подвизи.

Програмата се одржува во организација на Македонија 2025, а во партнерство со американската амбасада во Скопје, МАСИТ, Brainster, Млади Инженери, iSourse, Охридско лето, Алкалоид, Костал, itLabs, Винчини, Бар&Брекфаст и други индивидуални поддржувачи.

Категории

Categories

Kategori

Последни вести

Latest news

Lajmet e fundit

Честитка од претседателот Пендаровски по повод Рамазан бајрам

Честитка од претседателот Пендаровски по повод Рамазан бајрам

Претседателот Стево Пендаровски, по повод големиот муслимански празник Рамазан бајрам, упати честитка до граѓаните од исламска вероисповед во Република Северна Македонија и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван...

Средба на претседателот Пендаровски со делегација на Пацифичкиот Совет од САД

Средба на претседателот Пендаровски со делегација на Пацифичкиот Совет од САД

Претседателот Стево Пендаровски денеска прими делегација од Пацифичкиот Совет од САД, која престојува во посета на нашата држава. Истакнувајќи дека Соединетите Американски Држави се наш најголем стратешки партнер и сојузник во НАТО, претседателот Пендаровски посочи...

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Средба на претседателот Пендаровски со лорд Стјуарт Пич, специјален претставник на Обединетото Кралство за Западен Балкан

Претседателот Стево Пендаровски денеска го прими лорд Стјуарт Пич, специјален претставник на Обединетото Кралство за Западен Балкан. Двајцата соговорници разменија мислења за актуелните случувања во регионот на Западен Балкан, за стратешките интереси на земјава и...

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Средба со Џилиан Стирк, Шеф на мисијата за набљудување  на претстојните избори (ЕОМ) на ОБСЕ – Канцеларија за демократски институции и човекови права (ОДИХР)

Претседателот Стево Пендаровски, денеска ја прими Џилиан Стирк, Шеф на мисијата за набљудување на претстојните избори (ЕОМ) на ОБСЕ – Канцеларија за демократски институции и човекови права (ОДИХР). На средбата претседателот Пендаровски беше запознаен со планираните...

Честитка од претседателот Пендаровски до верниците кои го прославуваат Велигден според Грегоријанскиот календар

Честитка од претседателот Пендаровски до верниците кои го прославуваат Велигден според Грегоријанскиот календар

Претседателот Стево Пендаровски, по повод големиот христијански празник Воскресение Христово – Велигден, упати честитка до д-р Киро Стојанов, Скопски бискуп и епарх струмичко-скопски, и до сите христијански верници кои го прославуваат Велигден според Грегоријанскиот...