Втор модул на Школата за политики при Претседателскиот центар за политичко образование

7 мај 2022 | Соопштенија

Викендов се одржува вториот модул на Школата за политики при Претседателскиот центар за политичко образование во соработка со Националниот демократски институт за меѓународни работи (НДИ).

Вториот модул на Школата за политики го отворија проф. д-р Александар Љ. Спасов, претседател на Програмскиот совет на Претседателскиот центар за политичко образование, советник на Претседателот за правни прашања и вонреден професор на Правниот факултет „Јустинијан Први“ и Роберт Скот Хејзлет, виш резидентен директор на Националниот демократски институт за меѓународни работи (НДИ) во Северна Македонија.

Учесниците на Школата за политики во рамки на вториот модул имаат можност да ги унапредат знаењата во областа на парламентарната демократија и претставничкото управување, функционирањето на Собранието на Република Северна Македонија, законодавната постапка и можностите за учество на јавноста во креирање на јавните политики.

Во таа насока, беше одржана панел-дискусија на која учествуваа повеќе пратеници од Собранието на Република Северна Македонија, координатори на пратенички групи од власта, Јован Митрески од СДСМ, Арбер Адеми од ДУИ и опозицијата, Никола Мицески од ВМРО-ДПМНЕ и Артана Ќазими од Алијанса за Албанците, а обраќања на тема „Собранието како темел на парламентарната демократија“ имаа потпретседателот и генералната секретарка на Собранието, Горан Мисовски и Цветанка Иванова.

Со цел приближување на работата на Собранието до младата популација беше одржана и едукативна активност „Имам став!“, во која учесниците ја симулираа работата на законодавниот дом.

Во текот на утрешниот ден, дебатата ќе биде фокусирана на перцепцијата на граѓаните за Собранието, квалитетот на парламентарната дискусија и колку истражувањето на јавното мислење влијание врз јавните политики. Предавање ќе одржи Влора Речица од Институтот за демократија „Социетас Цивилис“, а професорот Александар Љ. Спасов ќе се осврне на политичкиот говор, неговата структура, содржина и изведба.

Целта на тренинзите во рамки на вториот модул е развивање на свеста кај младата популација за придобивките на демократијата, нивно поттикнување и подготовка за општествена и политичка вклученост и критичност.

Категории

Categories

Kategori

Последни вести

Latest news

Lajmet e fundit

Претседателот Пендаровски домаќин на Ифтарска вечера по повод Рамазанските пости

Претседателот Пендаровски домаќин на Ифтарска вечера по повод Рамазанските пости

  Претседателот Стево Пендаровски беше домаќин и се обрати на Ифтарската вечера, којашто ја приреди по повод Рамазанските пости и во пресрет на големиот муслимански празник Рамазан Бајрам. На вечерата присуствуваа претставници од државно-владиниот врв, бизнис...

Отворен Кабинет за ученици од скопските основни училишта „Љубен Лапе“ и „Димитар Миладинов“

Отворен Кабинет за ученици од скопските основни училишта „Љубен Лапе“ и „Димитар Миладинов“

Во рамки на Отворен Кабинет, ученици од ООУ „Љубен Лапе“ и од ООУ „Димитар Миладинов“, од Скопје, денеска го посетија Кабинетот на претседателот Стево Пендаровски. Учениците имаа можност да се запознаат...

Претседателот Пендаровски ги прими акредитивните писма на новоименуваниот амбасадор на Белорусија, Сергеј Малиновски

Претседателот Пендаровски ги прими акредитивните писма на новоименуваниот амбасадор на Белорусија, Сергеј Малиновски

Претседателот Стево Пендаровски денеска ги прими акредитивните писма на Сергеј Малиновски, новоименуваниот амбасадор на Република Белорусија во Република Северна Македонија, со седиште во Белград. Претседателот Пендаровски во обраќањето на церемонијата на предавање на...

Претседателот Пендаровски ги прими акредитивните писма на новоименуваниот амбасадор на Египет, Надер Саад

Претседателот Пендаровски ги прими акредитивните писма на новоименуваниот амбасадор на Египет, Надер Саад

Претседателот Стево Пендаровски денеска ги прими акредитивните писма на Надер Саад, новоименуваниот амбасадор на Арапска Република Египет во Република Северна Македонија, со седиште во Софија. Претседателот Пендаровски во...

Средба со учесниците во програмата за регионална мобилност на млади истражувачи и активисти

Средба со учесниците во програмата за регионална мобилност на млади истражувачи и активисти

Претседателот Стево Пендаровски денеска прими учесници во Програмата за истражување на младински и образовни политики во Младински образовен форум (МОФ). За време на средбата младите од Албанија, Србија и од Северна Македонија,...