Претседателката разговараше со членовите на НУ Камерен Оркестар на Битола

20 февруари 2025 | Соопштенија, Средби

Претседателката Гордана Сиљановска-Давкова разговараше со членовите на НУ Камерен Оркестар на Битола: в.д директорот Дејан Цветковски, диригентот и основачот Владимир Димовски, виолинистот Никола Трајановски и виолончелистот Љупчо Милевски.

Во фокусот на разговорот беа успесите, проблемите и предизвиците со коишто се соочува оркестарот.

Соговорниците ја запознаа претседателката со нивната четиридецениска музичка приказна, којашто по кус прекин продолжија да ја пишуваат во 2013 година.

Со љубов зборуваа за бројните настапи низ годините, за разновидниот репертоар, за соработката со истакнати домашни и странски уметници, за младите таленти, за успешните концерти.

Претседателката им изрази почит за професионалноста и страсната посветеност, за видливите резултати, значајни не само за Битола и битолската публика, туку и пошироко.

Евоцирајќи незаборавни музички моменти со нив, претседателката ја истакна важноста на инвестирањето во музичката култура и нејзиното позитивно влијание врз духовното здравје на луѓето и државата.

Таа во нив препознава врвни уметници, а во нивната музика силна инспирација за генерациите.

Гостите ги споделија со претседателката, не само убавите, туку и тешките моменти во музичкиот живот, главно од финансиска природа заради скромниот буџет на институцијата.

Претседателката укажа на важноста од опстојување на овој реномиран оркестар, единствен надвор од главниот град, потенцирајќи дека музичкиот ентузијазам има потреба од финансиски стимул.

Успешното учество на овој оркестар на бројни реномирани фестивали за класична музика низ Европа, како и одличната обработка на македонската изворна музика ја докажува битолската традиција на негување на уметноста, како и македонскиот непресушен музички талент.

За претседателката ќе остане незаборавен нивниот настап во Рим за време на чествувањето на денот на Св. Кирил и Методиј.

И Битола, и битолската публика, и публиката од регионот имаат насушна потреба од НУ Камерниот оркестар.

Категории

Categories

Kategori

Последни вести

Latest news

Lajmet e fundit

Сиљановска-Давкова го прими Ристо Дурловски, претседател на организацијата „Обединети Македонци во Канада“

Сиљановска-Давкова го прими Ристо Дурловски, претседател на организацијата „Обединети Македонци во Канада“

Претседателката Гордана Сиљановска-Давкова денеска го прими Ристо Дурловски, претседател на организацијата „Обединети Македонци во Канада“. На средбата, таа уште еднаш ја потврди својата определба за формирање на Совет за...

Средба на Сиљановска-Давкова со јапонската амбасадорка Сецуко Кавахара

Средба на Сиљановска-Давкова со јапонската амбасадорка Сецуко Кавахара

Претседателката Гордана Сиљановска-Давкова денеска ја прими јапонската амбасадорка Сецуко Кавахара, која ѝ ја предаде честитката од Неговото Величество Нарухито, Император на Јапонија, упатена по повод 8 Септември-Денот на независноста. [gallery...

Благодарност за упатените честитки по повод 8 Септември – Денот на независноста

Благодарност за упатените честитки по повод 8 Септември – Денот на независноста

Претседателката Гордана Сиљановска-Давкова, во име на македонските граѓани и во лично име, изразува благодарност за упатените честитки по повод 8 Септември - Денот на независноста, што досега пристигнаа од: Н.Е. Доналд Трамп, Претседател на Соединетите Американски...

Честитка од претседателката Сиљановска-Давкова по повод 8 Септември – Денот на независноста

Честитка од претседателката Сиљановска-Давкова по повод 8 Септември – Денот на независноста

Почитувани граѓани, На 8 Септември 1991 година, легално и легитимно, врз основа на неотуѓивото и непотрошно право на самоопределување на секој народ, на референдумот за самостојна и независна Македонија излегоа 75,74% од електоратот, а „за“ гласаа  72,16% од...

Сиљановска-Давкова: Хидробиолошкиот завод е првата линија на одбрана во борбата против исчезнувањето на видовите, загадувањето на водите и климатските промени

Сиљановска-Давкова: Хидробиолошкиот завод е првата линија на одбрана во борбата против исчезнувањето на видовите, загадувањето на водите и климатските промени

Претседателката Гордана Сиљановска-Давкова денеска се обрати на свечената академија по повод 90-годишнината од основањето на Хидробиолошкиот завод - Охрид, најстарата македонска научно-истражувачка институција, формирана во 1935 година од академикот Синиша Станковиќ....