Претседателот Стево Пендаровски, денеска во Давос, оствари средба со Кишор Махбубани, истакнат член на Азискиот истражувачки институт при Националниот универзитет во Сингапур.
На средбата Махбубани го запозна претседателот Пендаровски со неговата истражувачка дејност, за влијанието на аналитичките центри во креирање на реалната политика.
Соговорниците разменија мислење за актуелните политички случувања на азиско тло, за влијанието на Кина и севкупните односи со европскиот континент. Во таа насока, на средбата се разговараше и за последиците од руската инвазија врз Украина во европскиот простор и пошироко.
