Претседателот Стево Пендаровски по повод големите христијански празници Успение на Пресвета Богородица и Св. Јоаким Осоговски денеска го посети манастирскиот комплекс „Свети Јоаким Осоговски“ во Крива Паланка и присуствуваше на светата божествена литургија.
По повод патрониот празник на манастирот „Свети Јоаким Осоговски“, на литургијата присуствуваа и министрите за внатрешни работи и земјоделство, шумарство и водостопанство, Оливер Спасовски и Љупчо Николовски, како и градоначалникот на Крива Паланка, Сашко Митовски. Свети Јоаким Осоговски истовремено претставува и се слави како светец заштитник на Крива Паланка.
