По повод Светскиот ден на хемофилија – 17 април, претседателот Стево Пендаровски ја упати следната порака:
Позитивни промени единствено се можни кога постои висока јавна свест и институционална поддршка.
Според Светската федерација за хемофилија, 1 од 1000 луѓе во светот има нарушување на коагулцијата на крвта. Во Република Северна Македонија повеќе од 320 лица живеат со хемофилија А и Б.
Потребни се заеднички напори за да овозможиме сите да имаат правичен пристап и соодветен третман на оваа непредвидлива наследна болест.
Во знак на поддршка на лицата со хемофилија и нивните семејства, а со цел подобрување на нивниот статус, го осветливме Кабинетот во црвена боја, со што се приклучуваме на светската кампања за подигнување на јавната свеста за хемофилија.
