Претседателот Стево Пендаровски денеска на проштална средба ја прими шведската амбасадорка Кристин Форсгрен Бенгтсон.
На средбата се потврдија одличните билатерални односи меѓу Северна Македонија и Шведска, при што беше оценето дека тие се карактеризираат со пријателство и меѓусебно разбирање, а се посветени на натамошно динамизирање на политичкиот дијалог, како и интензивирање на економската соработка.
Претседателот Пендаровски изрази благодарност за континуираната развојна соработка и шведска поддршка за зајакнување на капацитетите на институциите на Северна Македонија, особено во областа на демократијата, владеењето на правото и заштитата на животната средина. На средбата се потврди дека Шведска како и досега ќе ја поддржува силно европската интеграција на Северна Македонија.
Претседателот изрази благодарност за дипломатскиот ангажман на амбасадорката Кристин Форсгрен Бенгтсон и нејзиниот придонес за унапредување на македонско-шведските односи и и посака понатамошен успех на личен и на професионален план.
