Претседателот Пендаровски се обрати на тркалезна маса „Пристапувањето на Западниот Балкан кон ЕУ: долга, (не)завршена приказна – Одржливост на македонскиот надворешно-политички курс“

27 јануари 2022 | Соопштенија

Претседателот Стево Пендаровски денеска се обрати на амбасадорската тркалезна маса „Пристапувањето на Западниот Балкан кон ЕУ: долга, (не)завршена приказна – Одржливост на македонскиот надворешно-политички курс,“ што во организација на Советот на амбасадори се одржа во Клубот на пратеници.

Во своето обраќање, претседателот Пендаровски посочи дека за прв пат во последните 30 години постои засилен ангажан и има именувани тројца посебни претставници на САД, ЕУ и Обединетото Кралство кои работат и придонесуваат за интеграцијата на Западен Балкан во ЕУ. Претседателот Пендаровски посочи и на отворената поддршка на новата германска влада за Западен Балкан, а особено за интеграцијата на Северна Македонија, бидејќи, како што рече, ги исполнуваме сите услови за почеток на пристапните преговори. Истовремено, претседателот Пендаровски ја истакна поддршката и од Франција, потсетувајќи на изјавата на претседателот Емануел Макрон дека Западен Балкан не е само географски дел на Европа и дека не треба повторно да му се врти грб, реторика што според претседателот Пендаровски оди неколку нивоа напред во корист на интеграцијата.

Претседателот Пендаровски посочи дека ЕУ ентузијазмот опаѓа во сите шест држави од Западен Балкан.

Според претседателот Пендаровски, во време кога Европа е предизвикана од големи геополитички движења, а регионот повторно се соочува со негативни и ретроградни трендови, потребен е зголемен ангажман на Европската Унија кон Западниот Балкан, доколку сака да ја задржи својата стратешка релевантност.

ЕУ, според претседателот, нема ниту една рационална или стратешка причина да се плаши од интеграцијата на сите шест земји од Западен Балкан.

Во однос на дијалогот со Бугарија, претседателот Пендаровски оцени дека станува збор за одличен почеток на оваа нова фаза во нашите билатерални односи и се чуствува и се слуша нова реторика и нова енергија.

„Меѓутоа морам и тоа кристално јасно да го кажам, дека станува збор само за почеток. Станува збор само за иницијална фаза во која двете страни искажуваат добри желби како би сакале тој процес понатаму да се одвива. Значи ние сме далеку од подлабоко навлегување во процесот и се уште многу далеку од евентуално позитивно завршување на тој процес“, рече претседателот Пендаровски.

Посочи дека е значајно секоја политичка институција во двете држави да даде свој придонес за конечно надминување на овој проблем.

Претседателот Пендаровски најави дека заедно со бугарскиот претседател Радев договараат негова официјална посета на Република Бугарија, за не повеќе од еден месец.

„Мој став, моја теза е дека двајцата претседатели во двете држави мораат да дадат позитивен придонес за успешен завршеток на овој процес, затоа што тоа е стратешки интерес на двете држави и јас сум убеден дека претседателот Радев го дели моето мислење“, рече претседателот Пендаровски.

Амбасадорската тркалезна маса е годишен настан на Советот на амбасадори, што се одржува под покровителство на претседателот Пендаровски.

Категории

Categories

Kategori

Последни вести

Latest news

Lajmet e fundit

Порака од претседателот Пендаровски по повод Денот на македонскиот јазик

Порака од претседателот Пендаровски по повод Денот на македонскиот јазик

По повод 5 Мај – Денот на македонскиот јазик, претседателот Стево Пендаровски ја упати следната порака: Почитувани сограѓани, Нека ни е честит 5 Мај – Денот на македонскиот јазик. Пред точно 79 години беше озаконета македонската азбука со што континуираниот развој на...

Порака од претседателот Пендаровски по повод Денот на македонскиот јазик

Честитка од претседателот Пендаровски по повод големиот христијански празник Воскресение Христово – Велигден

Претседателот Стево Пендаровски, по повод големиот христијански празник Воскресение Христово – Велигден, упати честитка до поглаварот на Македонската Православна Црква – Охридска Архиепископија, митрополит скопски, архиепископ охридски и македонски и на Јустинијана...

Претседателот Пендаровски на одбележување на 121-годишнината од смртта на Гоце Делчев

Претседателот Пендаровски на одбележување на 121-годишнината од смртта на Гоце Делчев

Претседателот Стево Пендаровски денеска положи свежо цвеќе на гробот на македонскиот револуционер Гоце Делчев во црквата „Свети Спас“ во Скопје, по повод 121-годишнината од неговата...

Порака од претседателот Пендаровски по повод 3 Мај − Светскиот ден на слобода на медиумите

Порака од претседателот Пендаровски по повод 3 Мај − Светскиот ден на слобода на медиумите

Претседателот Стево Пендаровски по повод 3 Мај − Светскиот ден на слобода на медиумите, ја упати следната порака: „Слободата на медиумите е еден од темелите на демократските вредности и е од суштинско значење за демократскиот развој на македонското општество....

Порака од претседателот Пендаровски по повод 1 Мај, Денот на трудот

Порака од претседателот Пендаровски по повод 1 Мај, Денот на трудот

По повод 1 Мај, Денот на трудот, претседателот Стево Пендаровски ја упати следната порака: „Човечкиот е најскапоцениот ресурс за секоја држава. Фактот дека голем дел од развиените демократии денес се соочуваат со недостиг на работна сила, е аларм за сите нас дека...