Претседателот Стево Пендаровски денеска го прими министерот за правда, Никола Тупанчески.
На средбата се разговараше за тековните реформи во сферата на функционирањето на правната држава, вклучувајќи ги судските реформи, борбата против корупцијата, а во согласност со дефинираните стратешки приоритети во рамките на евроинтегративниот процес на Република Северна Македонија.
Министерот Тупанчески ги претстави приоритетите во неговата работа по стапувањето на функцијата.
Претседателот Пендаровски истакна дека функционална правна држава е еден од главните услови за одржлив развој и посочи дека реформите во сферата на владеењето на правото и правната држава не треба да ги правиме единствено за да ги задоволиме формалните критериуми за членство во ЕУ, туку и заради довербата на граѓаните во сопствената држава и нејзините институции.