Претседателот Пендаровски и УНИЦЕФ дискутираа со млади на теми што ги засегаат

10 ноември 2022 | Соопштенија

Претседателот Стево Пендаровски и Афшан Кан, регионалната директорка на УНИЦЕФ за Европа и Централна Азија се сретнаа со млади активисти и дискутираа за актуелните предизвици со коишто се соочуваат младите во земјава.

Учесниците разговараа за важноста на младинското учество, справувањето со климатските промени и заштитата на животната средина, унапредување на квалитетот на образованието и стекнување на вештини кај младите, менталното здравје и врсничкото насилство. Овие теми беа идентификувани како области во кои младите можат да придонесат со конкретни активности.

Во своето поздравно обраќање претседателот Пендаровски ја нагласи важноста од ваквата проактивност на денешната генерација млади во насока на справување со најгорливите прашања коишто претставуваат своевидни бариери во нивниот личен или колективен развој.

Во тој контекст ја истакна и потребата од максимална посветеност на сите релевантни чинители во нашата држава во препознавањето на моментумот и негувањето на потенцијалот кај младите, воспоставувајќи иницијативи, проекти и платформи коишто ќе овозможат нивно вмрежување кон заеднички придонес. Тоа, според претседателот, е еден од клучните предуслови за креирање долгорочни политики и стратегии кои што ќе водат кон севкупен напредок на нашето општество.

Регионалната директорка на УНИЦЕФ за Европа и Централна Азија, Афшан Кан изрази задоволство што младите умеат да најдат решенија за прашањата што им се најважни, а со ваквите иницијативи им се овозможува да израснат во отпорни и активни граѓани. Нагласувајќи ја потребата од натамошно поттикнување на придонесот на младите во решавањето на денешните предизвици, таа ја истакна важноста на соработката на УНИЦЕФ со Кабинетот на претседателот во насока на создавање простор за младите да ја обликуваат иднината што ја посакуваат.

Во изминатите неколку години претседателот Пендаровски и УНИЦЕФ значително, со низа активности, ja зајакнаа долгогодишната соработка во насока на унапредувањето на правата на децата и младите во земјата.

Минатата година беше реализирана заедничката иницијатива „Преосмисли ја иднината“, којашто им овозможи на младите, покренувајќи прашања што им се ним важни, активно да учествуваат во дефинирањето на визијата за иднината на Северна Македонија.

На средбата младите го споделија своето искуство во учеството на други иницијативи како што се Младинскиот самит за климатски промени, програмата UPSHIFT, Преспа форум за дијалог, U-Report, Самитот за трансформација на образованието, Светскиот ден на детето 2021 година, како и во иницијативата Младински застапници за правда за децата.

Категории

Categories

Kategori

Последни вести

Latest news

Lajmet e fundit

Студенти од Правниот факултет „Јустинијан Први“ во посета на Кабинетот на Претседателот

Студенти од Правниот факултет „Јустинијан Први“ во посета на Кабинетот на Претседателот

Кабинетот на Претседателот, денеска го посетија студенти од Правниот факултет „Јустинијан Први“, при Универзитетот „Св. Кирил и Методиј“ во Скопје. За време на престојот во Кабинетот се сретнаа со претседателот Пендаровски и...

Одбележување на 20-годишнината од загинувањето на претседателот Борис Трајковски и членови на делегацијата

Одбележување на 20-годишнината од загинувањето на претседателот Борис Трајковски и членови на делегацијата

Претседателот Стево Пендаровски, по повод одбележувањето на 20-годишнината од загинувањето на претседателот Борис Трајковски и членовите на делегацијата во авионската несреќа во Босна и Херцеговина, денеска положи венец со свежо цвеќе на гробот на претседателот Борис...

Претседателот Пендаровски се обрати на конференцијата „Украина – две години хероизам”

Претседателот Пендаровски се обрати на конференцијата „Украина – две години хероизам”

Претседателот Стево Пендаровски денеска се обрати на конференцијата „Украина – две години хероизам“ организирана од Амбасадата на Украина во Република Северна Македонија во соработка со невладината организација ЦИВИЛ – Центар за слобода, а која се одржа по повод 2...

Одбележување на 20-годишнината од загинувањето на претседателот Борис Трајковски и членовите на делегацијата

Одбележување на 20-годишнината од загинувањето на претседателот Борис Трајковски и членовите на делегацијата

Претседателот Стево Пендаровски, утре, 26 февруари 2024 година, понеделник, во 12:00 часот ќе положи свежо цвеќе на вечното почивалиште на претседателот Борис Трајковски и членовите на делегацијата, по повод одбележувањето на 20-годишнината од нивното загинување во...

Средба на претседателот Пендаровски со ректорката на УКИМ проф. д-р Билјана Ангелова

Средба на претседателот Пендаровски со ректорката на УКИМ проф. д-р Билјана Ангелова

Претседателот Стево Пендаровски денеска ја прими ректорката на Универзитетот „Свети Кирил и Методиј“ во Скопје проф. д-р Билјана Ангелова и проректорот за финансии, инвестиции и развој проф. д-р Лазо Пендовски. На средбата претседателот Пендаровски беше информиран за...