Видео разговор на првите дами на Северна Македонија и Полска

24 март 2022 | Aктивности, Соопштенија

Сопругата на претседателот г-а Елизабета Ѓоргиевска денеска оствари видео разговор со првата дама на Полска г-а Агата Корнхаузер-Дуда, на кој се разговараше за можностите за соработка и меѓусебна поддршка во помошта која им се дава на украинските државјани кои ја напуштаат Украина поради воената агресија од страна на Русија.

Соговорничките разменија информации за актуелностите во Украина и ангажманот од различните институции од двете земји во приемот и прифатот на украинските државјани. Госпоѓата Ѓоргиевска ја поздрави заложбата на г-а Агата Корнхаузер-Дуда во контекст на иницијативите кои ги презема, додавајќи дека секоја активност со која се помага да се алармира светската јавност за сериозноста на состојбата во која се наоѓаат украинските граѓани и апелите за помош, потребно е да се поддржи.

Госпоѓата Ѓоргиевска информираше дека Министерството за здравство искажа подготвеност за прием и прифат на онколошки пациенти, украински државјани кои моментално се во Полска, а се деца на возраст до 18 години, за кои може да се понуди третман и лечење во нашите капацитети на јавното здравство. Дополнително, соговорничките разговараа и за можноста за прием на лица со атипичен развој, кои би можеле да добијат грижа и сместување во институции и семејства во земјава.

На крајот на разговорот, г-а Ѓоргиевска изрази благодарност до г-а Корнхаузер-Дуда за преземените инцијативи за помош на ранливите категории украински граѓани и изрази надеж дека комуникацијата и соработката ќе продолжат.

Категории

Categories

Kategori

Последни вести

Latest news

Lajmet e fundit

Претседателот Пендаровски прими делегација од Советот на Европа за набљудување на претседателските и парламентарните избори

Претседателот Пендаровски прими делегација од Советот на Европа за набљудување на претседателските и парламентарните избори

Претседателот Стево Пендаровски денеска ја прими делегацијата на ад-хок комисијата на Парламентарното собрание на Советот на Европа за набљудување на претседателските и парламентарните избори во Република Северна Македонија, кои престојуваат во предизборна мисија во...

Претседателот Пендаровски присуствуваше на Отворениот ден на Армијата по повод 4-годишнината од членството во НАТО и 75-годишнината од основањето на Алијансата

Претседателот Пендаровски присуствуваше на Отворениот ден на Армијата по повод 4-годишнината од членството во НАТО и 75-годишнината од основањето на Алијансата

Претседателот Стево Пендаровски денеска присуствуваше на Отворениот ден на Армијата, што како дел од активностите по повод 4-годишнината од членството на Република Северна Македонија во НАТО и 75-годишнината од основањето на Алијансата, го организираа Министерството...

Обраќање на сопругата на претседателот на конференцијата „Успешни жени за успешен регион“

Обраќање на сопругата на претседателот на конференцијата „Успешни жени за успешен регион“

  Сопругата на претседателот Елизабета Ѓоргиевска се обрати на конференцијата  „Успешни жени за успешен регион“  што се одржа во Скопје во организација на регионалната непрофитна иницијатива Women on Boards Adria - WOBA (Жени во органи на управување Јадран). Во...

Претседателот Пендаровски го прими италијанскиот амбасадор Андреа Силвестри

Претседателот Пендаровски го прими италијанскиот амбасадор Андреа Силвестри

Претседателот Стево Пендаровски денеска го прими амбасадорот на Италијанската Република, Андреа Силвестри. На средбата беа потврдени традиционално пријателските односи меѓу двете држави, кои се карактеризираат со висок степен на...

Проштална средба со албанскиот амбасадор Фатос Река

Проштална средба со албанскиот амбасадор Фатос Река

Претседателот Стево Пендаровски на проштална средба го прими амбасадорот на Република Албанија, Фатос Река. На средбата беа разменети мислења за севкупниот развој на билатералните односи меѓу двете држави, при што беше оценето дека тие континуирано бележат позитивен и...