Претседателот Стево Пендаровски денеска го прими Кунио Микурија, генералниот секретар на Светската Царинска Организација кој престојува во Република Северна Македонија по повод учеството на конференцијата „Преку дигитализација кон нова генерација на регионална соработка“ што ќе се одржи утре.
На средбата се разговараше за досегашната соработка и остварени проекти со Светската Царинска Организација, како и за обврските и препораките кои произлегуваат од процесот на европската интеграција, а се во надлежност на македонската царинска управа согласно државните приоритети.
Претседателот Пендаровски ги посочи своите заложби за дигитализација и модернизација на царината, како и градење на капацитети кои ќе доведат до ефикасно, транспарентно и отчетно работење.
