Учество на претседателката Сиљановска-Давкова на „Глобалниот женски појадок 2025“, организиран од Сојузот на хемичарите и технолозите на Македонија, по повод 11 февруари – Меѓународниот ден на девојките и жените во науката

12 февруари 2025 | Соопштенија

Претседателката Гордана Сиљановска-Давкова учествуваше на настанот „Глобален женски појадок 2025“, што се одржа на Институтот за хемија при Природно-математичкиот факултет во Скопје на тема „Поврзување за одржлива иднина“.

„Глобалниот женски појадок 2025“ го организира Сојузот на хемичарите и технолозите на Македонија, во рамките на иницијативата на IUPAC (Меѓународна унија за чиста и применета хемија). Се одржа по повод 11 февруари – Меѓународен ден на девојките и жените во науката.

На настанот, покрај претседателката, се обратија: проф. д-р Наташа Ристовска, раководителка на Институтот за хемија, проф. д-р Марина Стефова, од Институтот за хемија, проф. д-р Светлана Мојсов, од Универзитетот Рокфелер, Њујорк (преку видео) и амбасадорката на Сојузна Република Германија, Петра Дрекслер.

Во обраќањето, претседателката Сиљановска-Давкова ја потенцираше важноста на зајакнувањето на улогата на жените во науката и општеството за светскиот мир и развој, посакувајќи, жена да застане на кормилото на Организацијата на Обединетите Нации, 80 години по нивното основање. Потенцирајќи го женскиот тежок и трнлив пат во науката, таа потсети на зборовите на Марија Склодовска – Кири: „Животот не е лесен за никој од нас, но што со тоа? Мора да бидеме упорни и да имаме верба во себе. Мора да веруваме дека сме надарени за нешто за тоа да се оствари“.

Времето зад нас и со нас го означи како машко, воинствено и воено, диктирарано од богот Марс и повика на ново, мирно доба, водено од Венера, од Атина, со маслиново гранче, а не со оружје.

Во духот на одржливата иднина, укажа на актуелноста на „Природниот договор“ на Мишел Сера, склучен меѓу човекот и Земјата како неразделни и рамноправни партнери.

Потенцирајќи дека нема одржлива иднина без решавање на еколошките проблеми, информираше дека за прв пат во Советот за безбедност вклучила експерт за климатски промени, професорот д-р Владо Спиридонов, кој ќе го води Советодавното тело за климатски предизвици и безбедност, составено од исклучителни познавачи на оваа проблематика, кои во дијалог со претставниците на еколошките организации ќе помогнат во креирањето решенија за справување со загадувањето и климатските промени.

Посебна тежина на духовниот карактер на појадокот му даде светски познатата американска професорка од македонско потекло, Светлана Мојсов од Универзитетот „Рокфелер“ , Њујорк, САД, која преку видео ги запозна присутните со своето патување до научните врвови.

Категории

Categories

Kategori

Последни вести

Latest news

Lajmet e fundit

Сиљановска-Давкова ја прими претседателката на Здружението „Јас Сум Жена“, Дукоска

Сиљановска-Давкова ја прими претседателката на Здружението „Јас Сум Жена“, Дукоска

Претседателката Гордана Сиљановска-Давкова ја прими Ана Дукоска, претседателка на Здружението за вмрежување на жени, едуцирање и истражување „Јас Сум Жена“. На средбата, Дукоска ја информираше со реализираните иницијативи и...

Сиљановска-Давкова ја прими раководителката на Сеизмолошката опсерваторија при ПМФ, Дрогрешка

Сиљановска-Давкова ја прими раководителката на Сеизмолошката опсерваторија при ПМФ, Дрогрешка

Претседателката Гордана Сиљановска-Давкова денеска ја прими раководителката на Сеизмолошката опсерваторија при Природно-математичкиот факултет во Скопје, Катерина Дрогрешка, која ја информираше за работата, активностите и проблемите на најстарата сеизмолошка...

Сиљановска-Давкова го прими министерот за економија на Азербејџан, Џабаров

Сиљановска-Давкова го прими министерот за економија на Азербејџан, Џабаров

Претседателката Гордана Сиљановска-Давкова денеска оствари средба со Микаил Џабаров, министер за економија на Азербејџан, на којашто беше потврдена спремноста за продлабочување на соработката во областа на економијата, но и во други сфери, како инфраструктурата и...

Сиљановска-Давкова го прими мароканскиот министер за надворешни работи, африканска соработка и марокански иселеници, Бурита

Сиљановска-Давкова го прими мароканскиот министер за надворешни работи, африканска соработка и марокански иселеници, Бурита

Претседателката Гордана Сиљановска-Давкова го прими Насер Бурита, министер на Кралството Мароко за надворешни работи, африканска соработка и марокански иселеници, кој престојува во официјална посета на земјава. Според неа, Мароко, како една од водечките земји во МЕНА...

Сиљановска – Давкова го прогласи за отворен Летниот европски младински олимписки фестивал

Сиљановска – Давкова го прогласи за отворен Летниот европски младински олимписки фестивал

Претседателката Гордана Сиљановска – Давкова вчеравечер го прогласи за отворен Летниот европски младински олимписки фестивал и рече дека организацијата на ваков реномиран меѓународен спортски настан претставува голема чест за државата. Според неа, 4.000...