Во Кабинетот на Претседателот денеска беше потпишан Меморандум за соработка помеѓу Владата на Обединетото Кралство на Велика Британија и Северна Ирска, претставувана од Министерството за надворешни работи, Комонвелт и развој (FCDO), застапувано од Амбасадорот на ОК во Република Северна Македонија, Метју Лосон и Претседател на Република Северна Македонија, претставуван од Генералниот секретар, Ѓорги Божинов.
Целта на овој меморандум е да обезбеди поддршка на Кабинетот на Претседателот, а за да се овозможи спроведување на проектот „Зајакнување на административните капацитети на стручната служба – Кабинетот на Претседателот на Република Северна Македонија“. Проектот го спроведува Центарот за управување со промени, во рамките на проектот „Преобмислување на управувањето“ финансиран од Фондот за слобода и отпорност на Обединетото Кралство (ФРП).
