Në Kabinetin e Presidentit sot u nënshkrua Memorandum Bashkëpunimi ndërmjet Qeverisë së Mbretërisë së Bashkuar të Britanisë së Madhe dhe Irlandës së Veriut, e përfaqësuar nga Ministria e Punëve të Jashtme, Komonuelthit dhe Zhvillimit (FCDO), e përfaqësuar nga Ambasadori i Mbretërisë së Bashkuar në Republikën e Maqedonisë së Veriut, Metju Loson dhe Presidenti i Republikës së Maqedonisë së Veriut, i përfaqësuar nga Sekretari i Përgjithshëm, Gjorgi Bozhinov.
Qëllimi i këtij memorandumi është të sigurojë mbështetje për Kabinetin e Presidentit, dhe të mundësojë realizimin e projektit “Përforcimi i kapaciteteve administrative të shërbimit profesional – Kabineti i Presidentit të Republikës së Maqedonisë së Veriut”. Projekti realizohet nga Qendra për Menaxhim me Ndryshimet, si pjesë e projektit “Rishikimi i Qeverisjes” financuar nga Fondi i Lirisë dhe Rezistencës i Mbretërisë së Bashkuar (FRP).
