Претседателката Гордана Сиљановска – Давкова прими новинарска делегација од Турција

20 декември 2024 | Соопштенија

Претседателката Гордана Сиљановска-Давкова денеска прими новинарскa делегација од Република Турција, членови на Глобалниот совет на новинари, кои престојуваат во земјава по повод 21 декември, Денот на наставата на турскиот јазик.

На средбата, соговорниците разменија мислења за севкупните билатерални односи меѓу двете пријателски земји, за статусот на турската заедница, како и за важноста на новинарството – еден од клучните столбови на демократијата и општествениот развој.

Претседателката Сиљановска-Давкова во разговорот порача дека ја почитува улогата на новинарите во борбата против патријархалната и парохијалната политичка култура, потенцирајќи дека тие се рендген, микроскоп и чувар на демократијата. Во таа насока, таа ги реафирмираше нејзините заложби, што ги имаше уште како пратеничка во Собранието, за декриминализација на делата клевета и навреда за новинарите.

Разговарајќи за мултикултурализмот во земјава, претседателката рече дека концептот на бинационална држава не е добро решение и дека тн. помали заедници, вклучувајќи ја и турската заедница, треба да имаат поголема улога, бидејќи тие се клучот за меѓусебното разбирање.

„Фактите се дека турската заедница е доказ дека е во континуитет дел од македонското мултиетничко општество и дека имала, има и треба да има важно место во заедницата, таква каква што имала во 1944 година“, истакна претседателката Сиљановска-Давкова.

Истакнувајќи дека Турција била, е, и ќе остане пријател и сојузник на нашата држава, претседателката истакна дека во услови на мултиполарен свет треба да се надмине евроцентризмот, да се почитува турскиот републиканизам и влијанието што преку Турција може да се реализира во азискиот свет.

Претставниците од турските медиуми изразија големо задоволство од можноста за средба со претседателката, како и задоволство од севкупниот третман на турската заедница и правата кои ги ужива во земјава.

Тие се заблагодарија за соработката што ја остваруваат со македонските медиуми и националниот сервис, која претставува мост за размена на информации, културни вредности, позитивни приказни и промовирање на меѓусебното разбирање.

Категории

Categories

Kategori

Последни вести

Latest news

Lajmet e fundit

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

Повик за акредитирање на медиуми – Состанок на лидерите од Процесот Брдо-Бриони, 27 ноември 2026 година, Охрид

На 27 ноември 2026 година (петок), во хотелот „Инекс Олгица“ во Охрид, ќе се одржи состанок на лидерите на земјите учеснички во Процесот Брдо-Бриони, во организација на претседателката д-р Гордана Сиљановска-Давкова, заедно со претседателката на Република Словенија,...

Сиљановска-Давкова ги прими акредитивните писма од новоименуваната амбасадорка на Република Естонија

Сиљановска-Давкова ги прими акредитивните писма од новоименуваната амбасадорка на Република Естонија

Претседателката Гордана Сиљановска-Давкова денеска ги прими акредитивните писма од Н.Е. г-а Јана Ванамолдер, новоименувана амбасадорка на Република Естонија, со седиште во Будимпешта. На свечената церемонија, таа го истакна примерот на Естонија во демократската...

Сиљановска-Давкова ги прими акредитивите од новоименуванот амбасадор на Кралството Саудиска Арабија

Сиљановска-Давкова ги прими акредитивите од новоименуванот амбасадор на Кралството Саудиска Арабија

Претседателката Гордана Сиљановска-Давкова денеска ги прими акредитивните писма од Н. Е. г. Турки бин Ибрахим Ал-Мади, новоименуваниот вонреден и ополномоштен амбасадор на Кралството Саудиска Арабија, со седиште во Тирана. [gallery...

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Сиљановска-Давкова: Уставот е закон над законите и најважниот општествен договор на граѓаните, за каков пишува Русо

Претседателката Гордана Сиљановска-Давкова се обрати и учествуваше на панел-дискусијата на настанот по повод 35-годишнината од осамостојувањето и донесувањето на првиот Устав, во организација на Собранието, ЈНУ Институт за национална историја и Државен архив. [gallery...

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Сиљановска-Давкова: Без слободни и одговорни медиуми нема информиран демос, а без активни граѓани – нема демократија

Претседателката Гордана Сиљановска-Давкова имаше воведно обраќање на 20. Форум на медиумите од Југоисточна Европа (SEEMF), што вчера се одржа во Скопје, на тема „Поблиски во регионот, посилни во Европа: Улогата на комуникациите и медиумите во зајакнувањето на имиџот,...