Средба на претседателката Сиљановска-Давкова со директорот на Агенцијата за иселеништво

25 февруари 2025 | Соопштенија, Средби

 

Претседателката Гордана Сиљановска-Давкова оствари средба со директорот на Агенцијата за иселеништво, г. Горан Ангелов.

На средбата, директорот ја информираше претседателката за организацијата на Агенцијата и за човечките ресурси во неа, како и за преземените и планираните активности, неопходни за унапредување на односите и соработката со нашите иселеници и нивните различни иселенички организации.

Тој истакна дека Агенцијата остварува интензивна соработка со импозантна иселеничка мрежа од 700 црковни, спортски и културно уметнички иселенички организации, што изразуваат силен интерес за средби со неа и со други највисоки претставници на државата, како неопходен механизам за зајакнување на односите со татковината.

Г. Горан Ангелов укажа дека иселениците најчесто се жалат на проблемите врзани за бирократските бариери и долгата и комплицирана процедура за добивање македонски пасоши и други документи, важни за остварување на нивните граѓански права во татковината. Истите, според него, може да се надминат преку поактивно и попосветено излегување во пресрет на вработените во македонските амбасади и конзулати, од една страна, но и преку отворање канцеларии во општините од кои потекнуваат за низа акти и документи, од друга.

Во разговорот се потенцираше потребата од обезбедување наставни помагала за изучување на македонскиот јазик во дијаспората. Според регистарот на Агенцијата за иселеништво, има 76 наставнички по македонски јазик низ светот, кои изразиле голема потреба од унифициран учебник по македонски јазик по кој би предавале, со кој би ги замениле постојните работни тетратки што сами ги креирале и отпечатиле.

Претседателката укажа дека одбележувањето на 80-годишнината од кодификацијата на македонскиот јазик е вистинско време и повод за промоција и поттикнување на изучувањето на македонскиот јазик од младите луѓе во дијаспората.

Таа, за оваа цел, со задоволство ја прифати поканата за покровителство на  „Летната школа за македонски јазик“ за деца од дијаспората, на возраст од 12-16 години, што ќе се оддржи во август во Охрид.

На крајот, со директорот г. Горан Ангелов сподели идеја за доделување награди на најуспешните и најреномираните нашинци од дијаспората во сферата на науката, културата, бизнисот, спортот, како и за нужноста од изработка на „Дигитален регистар на најуспешните во дијаспората“ во соработка со Владата, МАНУ, универзитетите, амбасадите и други субјекти, заради евиденција на нашиот највреден социјален капитал надвор, како и за нивен ангажман во татковината!

Категории

Categories

Kategori

Последни вести

Latest news

Lajmet e fundit

Сиљановска-Давкова на настан по повод Меѓународниот ден на белиот стап: Вистинското слепило не е во очите, туку во нечувствителноста на срцата

Сиљановска-Давкова на настан по повод Меѓународниот ден на белиот стап: Вистинското слепило не е во очите, туку во нечувствителноста на срцата

Претседателката Гордана Сиљановска-Давкова по повод Меѓународниот ден на белиот стап, се обрати на настан организиран од Државното средно училиште со ресурсен центар „Димитар Влахов“ – Скопје, посветен на подигањето на јавната свест за правата, можностите и придонесот...

Oдговори на новинарски прашања на прес-конференцијата на претседателката Сиљановска-Давкова со словачкиот претседател Пелегрини

Oдговори на новинарски прашања на прес-конференцијата на претседателката Сиљановска-Давкова со словачкиот претседател Пелегрини

Новинарско прашање: Македонија има услов да влезе во Европската Унија од една страна, од друга страна се наоѓа на Балканот, а официјален Вашингтон, Пекинг и Москва почнуваат да го формираат новиот светски поредок. Прашањето е каква е стратегијата на Македонија за...

Сиљановска-Давкова по средбата со Пелегрини: Словачка е една од нашите најверни и најпосветени поддржувачи на европската интеграција

Сиљановска-Давкова по средбата со Пелегрини: Словачка е една од нашите најверни и најпосветени поддржувачи на европската интеграција

Во рамки на официјалната посета на словачкиот претседател, денеска беше одржана заедничка прес-конференција на претседателката Гордана Сиљановска-Давкова и претседателот Петер Пелегрини. Во продолжение е интегралната изјава на претседателката Сиљановска-Давкова....

Започна официјалната посета на словачкиот претседател Пелегрини

Започна официјалната посета на словачкиот претседател Пелегрини

Со највисоки државни и воени почести претседателката Гордана Сиљановска-Давкова го пречека словачкиот претседател, Петер Пелегрини, кој престојува во дводневна официјална посета на земјава. [gallery...

Официјална посета на претседателот на Република Словачка, Петер Пелегрини

Официјална посета на претседателот на Република Словачка, Петер Пелегрини

Претседателката Гордана Сиљановска-Давкова, утре – 14 октомври 2025 година, вторник, ќе биде домаќинка на претседателот на Република Словачка, Петер Пелегрини, кој ќе престојува во официјална посета на земјава. Словачкиот претседател ќе биде пречекан со највисоки...