Nxënësit e shkollave nëntëvjeçare nga Shkupi “Gjorgjija Pulevski” nga Komuna e Aerodromit, “Shën. Klimenti i Ohrit”, dhe “Kirill Pejçinoviq” nga Komuna e Kisella Vodës, sot e vizituan Kabinetin e Presidentes Gordana Siljanovska Davkova.
Të gëzuar, kureshtarë dhe të qeshur, të shoqëruar nga mësuesit e vet, nxënësit e ndoqën ceremoninë solemne të ndryshimit të flamurit shtetëror. Kjo ceremoni interesante mbahet çdo të premten e dytë të muajit dhe realizohet nga Batalioni i Nderimit në Armatën maqedonase duke shprehur respekt ndaj flamurit maqedonas, si simbol shtetëror.
Pas përfundimit të këtij akti solemn, të rinjtë i vizituan hapësirat e Kabinetit dhe biseduan me Presidenten për obligimet e saj të punës, por edhe për jetën personale, duke filluar nga fëmijëria, ditët e shkollës dhe studentore, si dhe për karrierën e profesoreshës.
Në bisedën me nxënësit, Presidentja i inkurajoi të mësojnë dhe të besojnë në vetvete, ta respektojnë dijen, sepse ajo do t’i bëjë më garues, më të sigurt dhe më të suksesshëm.
