Presidentja Gordana Siljanovska Davkova, në margjinat e Forumit të Paqes në Paris 2026, u takua me Presidentin e Republikës së Lituanisë, Gitanas Nauseda.
Ajo përshëndeti hapjen e sotme të Ambasadës sonë të parë rezidente në Vilnius dhe shprehu pritjet e saj për thellimin e bashkëpunimit politik, ekonomik dhe institucional midis Maqedonisë dhe Lituanisë.
Bashkëbiseduesit shkëmbyen mendime mbi procesin e zgjerimit të Bashkimit Europian, situatën në rajonin e Ballkanit Perëndimor, si dhe mbi sfidat e Maqedonisë përpara Presidencës së Lituanisë me Këshillin e BE-së nga janari 2027.
Ata ranë dakord që reformat dhe kriteret e Kopenhagës janë parametrat kryesorë për anëtarësimin në BE për vendet kandidate dhe se çështjet dypalëshe nuk duhet të paraqesin pengesë në procesin e zgjerimit.
Presidentja Siljanovska Davkova theksoi se fqinjët mund të luajnë një rol pozitiv në integrimin europian të rajonit, duke treguar shembullin e vendeve skandinave, të cilat i mbështetën plotësisht shtetet baltike para anëtarësimit të tyre në Bashkimin Europian në vitin 2004.
Ajo e informoi Presidentin Nauseda për hapat që Maqedonia ka ndërmarrë në rrugën e saj drejt BE-së, si dhe për çështjet me të cilat është përballur vendi që nga marrja e statusit të kandidatit në vitin 2005 deri më sot.
Presidentja Siljanovska Davkova theksoi se përpjekjet e Maqedonisë për dialog konstruktiv me Bullgarinë fqinje vazhdojnë, por theksoi se kjo kërkon që të dyja palët t’i qasen procesit me mirëbesim.
