Сиљановска Давкова: Војната во Украина не е украински, туку европски и светски проблем

16 јуни 2024 | Соопштенија

Претседателката Гордана Сиљановска Давкова денеска ќе се обрати на пленарната сесија на Самитот за мир во Украина, што се одржува во Бургеншток на езерото Луцерн во Швајцарија.

Пред почетокот на сесијата претседателката Сиљановска Давкова изјави дека една од најважните пораки е дека кон војната во Украина треба да се однесуваме не како кон украински проблем, туку како европски и светски проблем.

„Неподелени беа мислењата дека дијалогот е здрава работа, дека мировната конференција навистина и покрај многуте учесници дојде до единствени сознанија. Најчесто се повикувавме сите на Повелбата на Обединетите Нации, најчесто се повикувавме сите на мировните решенија“, изјави претседателката Сиљановска Давкова.

Таа додаде дека денеска учествувала и на панелот за безбедноста, односно опасноста по безбедноста за храната, од што и ние сме засегнати. „Уште еден доказ дека она што се случува, односно војната, нè засега сите и дека сите треба да помогнеме за да се најде соломонско решение, тоа значи, праведно решение за Украина, решение што ќе гарантира постојан мир, јас велам Кантов вечен мир. Еднаш мислам дека е крајно време, наместо да велиме никогаш повеќе и повторно да се соочуваме со војна, да се потсетиме на ноторниот факт дека Европската заедница настана како мировен проект и дека Европската Унија, но и сите држави во светот, имаат обврска да го чуваат мирот“, изјави претседателката Сиљановска Давкова.

Заблагодарувајќи се на Швајцарската Конфедерација за организирањето на Самитот, таа додаде дека остварила куси средби со претседателката на Швајцарската Конфедерација, Виола Амхерд, потпретседателката на Соединетите Американски Држави, Камала Харис, со германскиот канцелар Олаф Шолц, францускиот претседател Емануел Макрон и грчкиот премиер Киријакос Мицотакис.

На маргините на конференцијата претседателката Сиљановска Давкова оствари средби со повеќе други светски лидер

Категории

Categories

Kategori

Последни вести

Latest news

Lajmet e fundit

Сиљановска-Давкова ги прими акредитивите на новоименуваната амбасадорка на Словачка, Ивета Хрицова

Сиљановска-Давкова ги прими акредитивите на новоименуваната амбасадорка на Словачка, Ивета Хрицова

Претседателката Гордана Сиљановска-Давкова денеска на свечена церемонија ги прими акредитивните писма на новоименуваната амбасадорка на Република Словачка, Ивета Хрицова. Таа ѝ посака добредојде и успех во...

Сиљановска-Давкова ги прими акредитивите на новоименуваниот амбасадор на Шведска, Oла Солстром

Сиљановска-Давкова ги прими акредитивите на новоименуваниот амбасадор на Шведска, Oла Солстром

Претседателката Гордана Сиљановска-Давкова денеска ги прими акредитивните писма на новоименуваниот амбасадор на Кралството Шведска, Oла Солстром. За претседателката, двете држави ги поврзува традиционално и искрено пријателство, а од воспоставувањето на дипломатските...

Церемонија на свечено менување на државното знаме во Кабинетот на претседателката Сиљановска-Давкова

Церемонија на свечено менување на државното знаме во Кабинетот на претседателката Сиљановска-Давкова

Во посета на Кабинетот на претседателката Гордана Сиљановска-Давкова беа ученици и наставници од скопските основни училишта „Димитар Поп Георгиев - Беровски“ ,  „Киро Глигоров“, „11 Октомври“ и од училиштето „Драга Стојаноска“ од с. Долно Соње. [gallery...

Сиљановска-Давкова: Боли егзодусот на најдобрите лекари, да ја препознаеме и признаеме нивната извонредност

Сиљановска-Давкова: Боли егзодусот на најдобрите лекари, да ја препознаеме и признаеме нивната извонредност

Претседателката Гордана Сиљановска-Давкова се обрати на свеченото одбележување на 80-годишнината од постоењето на Македонското лекарско друштво, што се одржа во Македонскиот народен театар во Скопје. Таа упати честитки по повод значајниот јубилеј и потсети дека...

Сиљановска-Давкова го прими Ристо Дурловски, претседател на организацијата „Обединети Македонци во Канада“

Сиљановска-Давкова го прими Ристо Дурловски, претседател на организацијата „Обединети Македонци во Канада“

Претседателката Гордана Сиљановска-Давкова денеска го прими Ристо Дурловски, претседател на организацијата „Обединети Македонци во Канада“. На средбата, таа уште еднаш ја потврди својата определба за формирање на Совет за...