Претседателката Гордана Сиљановска-Давкова се потпиша во книгата на жалост, отворена во Амбасадата на Република Албанија во Скопје, по повод смртта на поранешниот премиер Фатос Нано.
Во пораката таа напиша дека премиерот Нано ја обележа демократската транзиција и консолидација не само во Албанија, туку и во регионот, со своето знаење особено во економијата, но и со неговата социјалдемократска ориентација и реформи.
Сиљановска-Давкова порача дека тој ќе биде запаметен како реформатор воден од западни вредности и дека албанскиот народ, и Балканот, треба да бидат горди на него.
