Претседателката Сиљановска Давкова: 45-та МАКИНОВА и 22-та ЕКОНОВА континуирано ја слават креативноста и визијата на младите пронаоѓачи и истражувачи чиишто идеи и решенија го менуваат светот

10 ноември 2024 | Соопштенија

Претседателката Гордана Сиљановска Давкова преку видео порака се обрати на Меѓународниот саем за иновации, пронајдоци, патенти, нови производи и технологии и младинско творештво 45-та МАКИНОВА и 22-та ЕКОНОВА за еколошки иновации и проекти. Настанот што се одржува под нејзино покровителство, а по повод Светскиот ден на науката за мир и развој – 10 Ноември, обедини вкупно 96 учесници, од земјава, како и од Босна и Херцеговина, Црна Гора, Србија, Словенија и Бугарија.

Во продолжение е интегралниот текст од обраќањето на претседателката Сиљановска Давкова.

Почитувани млади иноватори, истражувачи и пронаоѓачи,
Почитувани претставници на Народна техника,
Почитувани организатори и учесници на 45-та МАКИНОВА и 22-та ЕКОНОВА,
Почитувани гости и поддржувачи,

Со искрена радост и големо задоволство го поздравувам овој настан кој со години претставува прибежиште на младите и бунтовни умови, визионерите и иноваторите, весниците и гласниците на промените.

МАКИНОВА и ЕКОНОВА го персонифицираат нескротливиот дух на иновацијата, креативноста и непоколебливата желба за поубав и подобар свет.

Цврсто верувам дека науката и техниката, односно антиципативните и револуционерни идеи и креативниот ум се моторот на иднината. Соочена со вашите пронајдоци, концепти и решенија, уверена сум дека Македонија има иднина, доколку се бори за вас, се разбира и доколку не ве подари на некоја држава, заборавајќи дека губи бесценет човечки потенцијал.

Чест е да се биде покровителка на ваков настан на кој врие од таленти.

Почитувани пронаоѓачи,

Денеска сте тука за да покажете дека умот е безграничен и побрз од светлината! Вашата љубопитност и вашата храброст да експериментирате и да трчате напред, го гонат општеството кон нови достигнувања. Вие сте иднината на оваа земја. Вашите пронајдоци и решенија го менуваат животот, ја движат економијата, го унапредуваат општеството.

Големо благодарам за Народна техника којашто повеќе од седум децении е столб на образованието и на науката во Македонија, ве стимулира и поддржува во креирањето, изразувањето и остварувањето на вашите идеи. Не се сомневам дека ќе ги достигнете целите од соништата и ќе поставите нови надмакедонски стандарди на иновативност.

Драги млади,

Не дозволувајте очекуваните и неочекуваните препреки да ве запрат. Скокнете ги или срушете ги. Вашите чекори се незапирливи. Продолжете да истражувате, да откривате, да создавате. Секој предизвик е шанса за нешто ново, секое прашање е можност за неочекуван одговор на стари, сегашни и идни проблеми.

Посакувам провокативните денови на МАКИНОВА и ЕКОНОВА да ве инспирираат и да ве поттикнат за уште повисоки дострели, да го разбудат во вас потенцијалот за уште поголеми успеси.

Благодарна сум што несебично го инвестирате знаењето во промени. Вие сте македонското сонце, вие сте македонските ѕвезди, македонската полна месечина.

Ви посакувам успех и изразувам длабока почит за вашиот немирен ум, длабоко знаење, натчовечка посветеност, неисцрпна креативност и напорна работа.

Градете похуман свет, отворајте нови хоризонти, размислувајте подлабоко, понапред и побрзо, штитете ги природата и човекот оти се во фатална врска!

Благодарам.

 

Категории

Categories

Kategori

Последни вести

Latest news

Lajmet e fundit

Претседателката Сиљановска-Давкова на „Акаба Процес Балкан III“ во Софија

Претседателката Сиљановска-Давкова на „Акаба Процес Балкан III“ во Софија

Претседателката Гордана Сиљановска-Давкова денеска и утре ќе престојува во работна посета на Република Бугарија по повод учеството на состанокот на шефови на држави и влади на „Акаба Процес Балкан III“ во Софија. Посетата се реализира на покана на претседателот на...

Благодарност од претседателката Сиљановска-Давкова до пријателските држави што пружија помош по трагедијата во Кочани

Благодарност од претседателката Сиљановска-Давкова до пријателските држави што пружија помош по трагедијата во Кочани

Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави што во моментите на национална трагедија и шок, предизвикани од кочанската апокалипса, пружија и сè уште пружаат...

Сиљановска – Давкова: Децата со аутизам се само поразлични, не се деца со маана

Сиљановска – Давкова: Децата со аутизам се само поразлични, не се деца со маана

Претседателката Гордана Сиљановска – Давкова денеска прими родители од Здружението на граѓани за третман на лица со аутизам, АДХД и Аспергерог синдром „Во мојот свет“, по повод 2 април - светскиот ден за подигање на свеста за аутизмот. На средбата, родителите истакнаа...

Средба на претседателката Сиљановска-Давкова со учесниците на програмата „Конекција Оксфорд“

Средба на претседателката Сиљановска-Давкова со учесниците на програмата „Конекција Оксфорд“

Претседателката Гордана Сиљановска-Давкова денеска ги прими учесниците на годинешната програма „Конекција Оксфорд“. На средбата присуствуваа д-р Костаке Милков, претседател на Балканскиот институт за вера и култура и...

Честитка од претседателката Сиљановска-Давкова по повод Рамазан бајрам

Честитка од претседателката Сиљановска-Давкова по повод Рамазан бајрам

Претседателката Гордана Сиљановска-Давкова, по повод големиот муслимански празник Рамазан бајрам, упати честитка до граѓаните од исламска вероисповед и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван  Реис-ул-улема х. хфз....