Претседателката Гордана Сиљановска Даквкова присуствуваше на литургијата во Соборниот храм ,,Св. Климент Охридски” во Скопје со која се одбележа празникот Собор на сите македонски Светители, а по повод 25 годишнината од востоличувањето на Неговото Блаженство, Архиепископот Охридски и Македонски г. г. Стефан за поглавар на Македонската Православна Црква – Охридска Архиепископија.
Претседателката Сиљановска Давкова оцени дека денешната позиција на црквата е благодарение на истрајноста и силната вера на македонскиот народ низ годините.
„Бројот на верниците, но и бројот на монасите, но и бројот на оние на највисоките позиции во црквата се зголемувал во најтешките времиња. Етиката, моралот, духот, се неразделни од Македонската православна црква. Не случајно зборуваме за македонски црковно-училишни општини. Нашите најпознати свештеници, најпочитувани, истовремено биле и учители. Додека постои македонски народ било каде на земјата, ќе постои и црквата“, изјави претседателката Сиљановска Давкова.
