Претседателката Гордана Сиљановска-Давкова, утре на 7 мај 2025 година, ќе биде домаќинка на претседателот на Република Хрватска, Зоран Милановиќ, кој ќе престојува во официјална посета на земјава.
Хрватскиот претседател ќе биде пречекан со највисоки државни и воени почести на церемонија во Кабинетот на претседателката, по што ќе следи тет-а-тет средба на претседателите, а потоа и пленарен состанок на македонската и хрватската делегација.
Во рамки на посетата, претседателот на Република Хрватска ќе положи венец на гробот на Гоце Делчев во црквата „Св. Спас“ во Скопје.
ПРОГРАМА: среда, 7 мај 2025 година
• 10:00 часот – Официјална церемонија на пречек со највисоки државни и воени почести
• 10:15 часот – Тет-а-тет средба
• 10:45 часот – Пленарен состанок на делегациите
• 11:20 часот – Заедничка прес-конференција на претседателката Сиљановска-Давкова и претседателот Милановиќ
Ги покануваме акредитираните медиумски екипи во Кабинетот на претседателот во 09:00 часот.
