Претседателката Сиљановска Давкова се обрати на свеченото отварање на Интернационалниот фестивал на детски театри „ИГОР МАЏИРОВ“ 2024

1 октомври 2024 | Соопштенија

Претседателката Гордана Сиљановска Давкова се обрати на свеченото отварање на третото издание на Интернационалниот фестивал на детски театри „ИГОР МАЏИРОВ“ 2024 што се одржува под нејзино покровителство, а во организација на НУ „Театар за деца и младинци – Скопје“.

Во своето обраќање, претседателката Сиљановска Давкова истакна дека несомнено станува збор за фестивал кој иако е стар само три години, веќе стекна заслужен углед, не само дома, туку и пошироко, како квалитетна и оригинална културна манифестација.

„Во оваа прилика не можам, а да не ги пофалам организаторите, Театарот за деца и младинци кои создадоа врвна манифестација  достојна на споменот на нашиот талентиран актер Игор Маџиров, кој за жал прерано нè напушти, оставајќи огромна празнина во неговиот матичен театар и во македонското глумиште“, рече Претседателката.

Претседателката Сиљановска Давкова истакна дека верува дека годинашниот фестивал ќе понуди врвен квалитет на сцената на Театарот за деца и младинци, но и на сцените на неколку други театри во Скопје при што публиката ќе има несекојдневна можност во наредните денови да проследи десетина претстави од театри од неколку европски земји, создавани со љубов и трпение.

Претседателката упати порака до сите деца и млади, да живеат и уживаат во театарот и уметноста, да растат и да се развиваат со убавото и благородното, како и порака до нивните родители и до возрасните,  да го чуваат детето во себе, да ја негуваат неговата љубопитност, слобода и непослушност.

„Дозволете на крајот на моето обраќање да посакам Театарот за деца и младинци да продолжи да создава богата програма и да ги радува најмладите, да расте со нив. Посакувам овој симпатичен и топол уметнички дом, да се прошири и да порасне, соодветно на потребите на домаќините, но и гостите – публиката! “, истакна Претседателката посакувајќи пријатни и незаборавни мигови со претставите на третиот Интернационален фестивал на детски театри ,,Игор Маџиров“.

На отворањето на фестивалот којшто годинава се одржува под слоганот „Сè e твое” беше прикажана претставата „Не ме чекај“ во режија на Вера Розанова, а во изведба на театарот „Снег на трепките“ од Франција. Фестивалот којшто е наменет за детската и младинската публика, има за цел да ја промовира, развие и популаризира детската театарска продукција следејќи ги најновите трендови на содржини, форми, настани и текови во сферата на детскиот театар.

 

Категории

Categories

Kategori

Последни вести

Latest news

Lajmet e fundit

Средба на претседателката Сиљановска-Давкова со кралот на Јордан, Абдула Втори

Средба на претседателката Сиљановска-Давкова со кралот на Јордан, Абдула Втори

Претседателката Гордана Сиљановска-Давкова, на маргините на состанокот на шефови на држави и влади „Акаба Процес Балканот III" во Софија, оствари средба со кралот на Хашемитското Кралство Јордан, Абдула Втори. Сиљановска-Давкова ја реафирмираше заложбата за...

Средба на претседателката Сиљановска-Давкова со бугарскиот претседател Радев

Средба на претседателката Сиљановска-Давкова со бугарскиот претседател Радев

Денеска, претседателката Гордана Сиљановска-Давкова, на маргините на „Акаба процесот Балкан III“, оствари средба со Претседателот на Република Бугарија, Румен Радев. Таа, уште еднаш, нему и на бугарските граѓани им оддаде длабока благодарност за солидарноста изразена...

Претседателката Сиљановска-Давкова ја посети болницата „Пирогов“ во Софија во којашто се лекуваат повредените од пожарот во Кочани

Претседателката Сиљановска-Давкова ја посети болницата „Пирогов“ во Софија во којашто се лекуваат повредените од пожарот во Кочани

Претседателката Гордана Сиљановска-Давкова, со чувство на длабока и искрена грижа, најпрво ја посети болницата „Пирогов“ во Софија каде што се згрижени и се лекуваат македонските граѓани повредени во трагичниот пожар во Кочани. За време на посетата, претседателката...

Претседателката Сиљановска-Давкова на „Акаба Процес Балкан III“ во Софија

Претседателката Сиљановска-Давкова на „Акаба Процес Балкан III“ во Софија

Претседателката Гордана Сиљановска-Давкова денеска и утре ќе престојува во работна посета на Република Бугарија по повод учеството на состанокот на шефови на држави и влади на „Акаба Процес Балкан III“ во Софија. Посетата се реализира на покана на претседателот на...

Претседателката Сиљановска-Давкова ја посети болницата „Пирогов“ во Софија во којашто се лекуваат повредените од пожарот во Кочани

Благодарност од претседателката Сиљановска-Давкова до пријателските држави што пружија помош по трагедијата во Кочани

Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави што во моментите на национална трагедија и шок, предизвикани од кочанската апокалипса, пружија и сè уште пружаат...