Претседателот Стево Пендаровски, денеска на проштална средба го прими амбасадорот на Република Полска во Република Северна Македонија Војциех Тицињски.
На средбата двајцата соговорници изразија задоволство од одличната соработка меѓу двете држави, воспоставена на традиционално пријателство, меѓусебна почит, доверба и разбирање.
Претседателот Пендаровски ја нагласи важноста од континуираната и отворена поддршка на Полска на нашиот евроинтеграциски пат и изрази очекување за нејзино динамизирање во претстојниот период.
Заблагодарувајќи се за севкупниот дипломатски ангажман на амбасадорот Тицињски, во насока на продлабочување на македонско-полските билатерални односи, претседателот Пендаровски му посака натамошен личен и професионален успех.