Претседателката Гордана Сиљановска-Давкова го прими амбасадорот на Република Словачка, Хенрик Маркуш на проштална средба.
Сиљановска-Давкова изрази искрена благодарност за посветената служба на амбасадорот и неговиот значаен придонес во продлабочувањето на пријателските и традиционално блиски односи меѓу двете земји. Таа истакна дека длабоко ја цениме принципиелната и доследна поддршка од Словачка за процесот на интеграција на нашата земја во Европската Унија. Словачка помогна и во изработката на „Националната стратегија за развој 2024–2044“, клучен стратешки документ што ќе ја води нашата развојна траекторија во децениите што доаѓаат.
Амбасадорот Маркуш лично се вклучи во акцијата за поддршка на жените кои се борат со канцер.
Соговорниците се согласија дека идните напори треба да се насочат кон проширување и продлабочување на економската соработка, со цел таа да го достигне нивото на одличните политички односи.
Амбасадорот Маркуш изрази благодарност за топлото гостипримство, со увереност дека најавената официјална посета на словачкиот претседател Петер Пелегрини ќе биде можност за ново поглавје во односите.
Претседателката му се заблагодари за неговиот дипломатски ангажман и му посака успеси на личен и професионален план.
