Претседателката Гордана Сиљановска-Давкова денеска во Охрид оствари проштална средба со амбасадорот на Република Турција, Фатих Улусој, на кој му се заблагодари за личниот придонес во унапредувањето на македонско-турските односи.
На почетокот од средбата, Сиљановска-Давкова изрази сочувство за трагичната поморска несреќа на патничкиот брод што пловел меѓу Северен Кипар и Мерсин, во која животот го загубија осум лица, а дестина се исчезнати.
За неа, Турција е не само наш важен економски и стратешки партнер, туку и докажан пријател.
Според Улусој, во текот на овие две години, билатералните односи добиле нов импулс и тежина преку: реципрочните посети на највисоки државни претставници и активниот политички дијалог, крунисан со формирањето на Советот за соработка на високо ниво, низата заеднички активности во одбраната и економијата, како и развојните проекти поддржани од ТИКА.
Сиљановска-Давкова укажа на потребата од ажурирање на Договорот за слободна трговија.
Нагласувајќи го значењето на турската заедница во македонското општество, таа се согласи дека се потребни реални решенија за соодветна и правична застапеност на припадниците турската заедница на локално и централно ниво, зголемена употреба на турскиот јазик, како и поголеми образовни можности на истиот.
На амбасадорот Улусој, таа му посака добро здравје, лична среќа и успех во идните професионални ангажмани.
