Претседателката Гордана Сиљановска Давкова изрази сочувство по повод смртта на Наде Проева.
Со голема тага и чувство на празнина ја примив веста за смртта на еминентната историчарка и универзитетска професорка Наде Проева.
Ми недостигаат соодветни зборови за изразување на тежината на загубата за науката, но и за Македонија.
Беше врвна историчарка на антиката, вклучувајќи ја и антиката на Македонија. Предаваше и истражување на престижни универзитети, објавувајќи во реноминирани часописи. Ја цитираа ценети историчари. Важеше за професорка со остра и јасна мисла, имаше бескропомисен карактер, пленеше со критичкиот ум и немирен дух. Беше препознатлива, единствена, посебна, храбра, незаборавна.
Среќна сум што ја познавав и имав прилика да споделувам ставови со неа.
Со смртта на нашата Наде, изгуби историската наука, историчарите, но и Македонија која толку силно ја сакаше и бранеше со мисли и збор.
Многу ми недостига, но најмногу ќе им недостига на историчарите и на студентите. Едно е сигурно: ќе остане во нашите мисли и сеќавања.
Нека почива во мир.
