Претседателката Гордана Сиљановска-Давкова во Венеција оствари средба со Марк Кулс, претседател на Конгресот на локални и регионални власти на Советот на Европа.
Како едно од најважните тела на Советот на Европа коешто ги обединува локалните власти од 46 земји-членки, Конгресот е насочен кон зајакнувањето на локалната самоуправа и демократијата.
На средбата се разговараше за досегашната соработка на Конгресот со нашата држава и реализираните проекти.
Како долгогодишен член на Групата на независни експерти и нејзин потпретседател во два мандати, Сиљановска-Давкова се согласи со Кулс дека живееме во време што бара ангажман во зајакнувањето на локалната самоуправа и демократија во земјите-членки на Советот на Европа. Развојот на демократијата на централно ниво е неможен без развојот на демократијата на локално ниво, беше посочено на средбата.
