Претседателката Сиљановска Давкова во Прилеп учествуваше во дискусијата „Инспиративни разговори за волонтерствотo“ по повод 5 Декември – „Меѓународниот ден на волонтерството“

5 декември 2024 | Соопштенија

Претседателката Гордана Сиљановска Давкова по повод 5 Декември – „Меѓународниот ден на волонтерството“  учествуваше во дискусијата на тема „Инспиративни разговори за волонтерството“, што се одржа во градската библиотека „Борка Талески“ во Прилеп.

Во дискусијата, своите лични успешни приказни ги споделија младите волонтерки Александра Јосифоска и Ангела Стојческа, новинарката Елизабета Филипоска и актерот Игор Трпчески, кои ја потенцираа важноста на хуманоста, солидарноста и доброволното помагање.

Претседателката Сиљановска Давкова во разговорот со младите истакна дека волонтерството не треба да биде епифанија, туку секојдневие и дека на младите треба да им се даде можност да растат и учат преку волонтерство, носејќи им не само образовни поени, туку и лично изградување и развивање на вистински вредности.

Потенцирајќи дека хуманоста, како наш највисок идеал, треба да претставува водилка, таа посочи дека во секој од нас лежи исконската потреба да помогне на другиот, и токму во тој момент, кога ќе подадеме рака, се очовечуваме. „ Кога правиме добро, се создава хармонија – во нас и околу нас. Тоа е синергија која ги надминува границите на личното и се прелева во колективното“, порача претседателката Сиљановска Давкова.

На настанот, во организација на Коалицијата на младински организации СЕГА, учествуваше и градоначалник на Општина Прилеп, Борче Јовчески.

Категории

Categories

Kategori

Последни вести

Latest news

Lajmet e fundit

Средба на претседателката Сиљановска-Давкова со бугарскиот претседател Радев

Средба на претседателката Сиљановска-Давкова со бугарскиот претседател Радев

Денеска, претседателката Гордана Сиљановска-Давкова, на маргините на „Акаба процесот Балкан III“, оствари средба со Претседателот на Република Бугарија, Румен Радев. Таа, уште еднаш, нему и на бугарските граѓани им оддаде длабока благодарност за солидарноста изразена...

Претседателката Сиљановска-Давкова ја посети болницата „Пирогов“ во Софија во којашто се лекуваат повредените од пожарот во Кочани

Претседателката Сиљановска-Давкова ја посети болницата „Пирогов“ во Софија во којашто се лекуваат повредените од пожарот во Кочани

Претседателката Гордана Сиљановска-Давкова, со чувство на длабока и искрена грижа, најпрво ја посети болницата „Пирогов“ во Софија каде што се згрижени и се лекуваат македонските граѓани повредени во трагичниот пожар во Кочани. За време на посетата, претседателката...

Претседателката Сиљановска-Давкова на „Акаба Процес Балкан III“ во Софија

Претседателката Сиљановска-Давкова на „Акаба Процес Балкан III“ во Софија

Претседателката Гордана Сиљановска-Давкова денеска и утре ќе престојува во работна посета на Република Бугарија по повод учеството на состанокот на шефови на држави и влади на „Акаба Процес Балкан III“ во Софија. Посетата се реализира на покана на претседателот на...

Претседателката Сиљановска-Давкова ја посети болницата „Пирогов“ во Софија во којашто се лекуваат повредените од пожарот во Кочани

Благодарност од претседателката Сиљановска-Давкова до пријателските држави што пружија помош по трагедијата во Кочани

Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави што во моментите на национална трагедија и шок, предизвикани од кочанската апокалипса, пружија и сè уште пружаат...

Сиљановска – Давкова: Децата со аутизам се само поразлични, не се деца со маана

Сиљановска – Давкова: Децата со аутизам се само поразлични, не се деца со маана

Претседателката Гордана Сиљановска – Давкова денеска прими родители од Здружението на граѓани за третман на лица со аутизам, АДХД и Аспергерог синдром „Во мојот свет“, по повод 2 април - светскиот ден за подигање на свеста за аутизмот. На средбата, родителите истакнаа...