Претседателката Гордана Сиљановска Давкова присуствуваше на свеченоста по повод одбележување на 65-годишнината од основањето на Технолошко-металуршкиот факултет во Скопје.
Претседателката Сиљановска Давкова го честиташе овој голем јубилеј на наставно-научниот кадар и на студентите на Технолошко-металуршкиот факултет како истакната образовна и научно-истражувачка институција во рамките на Универзитетот „Св. Кирил и Методиј“ којашто низ годините продуцирала многу дипломирани инженери, магистри, доктори на науки, кои придонеле во развојот на македонското општество.
Претседателката присуствуваше и на модната ревија на тема „Време“ што ја подготвија студентите на Институтот за текстилно инженерство чии автентични креации инспирирани од минатото транзитираат и ги отсликуваат безграничните можности на иднината.
