Претседателката Сиљановска-Давкова ги прими акредитивите на новоименуваниот амбасадор на Италијанската Република

17 јануари 2025 | Соопштенија

Претседателката Гордана Сиљановска-Давкова ги прими акредитивните писма на новоименуваниот амбасадор на Италијанската Република, Паоло Палминтери.

На церемонијата на предавање на акредитивите, претседателката Сиљановска-Давкова изрази задоволство од успешниот развој на билатералните односи меѓу двете земји и од соработката во различни области од заемен интерес.

Претседателката ја истакна посебната улога и значењето на ангажманот на амбасадорот Палминтери во дополнително продлабочување на соработката како на билатерален, така и на мултилатерален план.

„Иако Италија е постојано  на листата на 10-те земји со кои имаме најголем обем на трговска размена, би сакала посебно да го потенцирам македонскиот интерес за намалување на нашиот трговски дефицит“, нагласи претседателката Сиљановска-Давкова.

Оддавајќи признание, Претседателката искажа благодарност за континуираната и принципиелна поддршка на Италијанската Република во нашата европска реинтеграција.

„Високо ја ценам големата и гласно изразената поддршка на Италија за нашето пристапување во НАТО, како и за полноправното членство во ЕУ. Верувам дека членството ќе отвори ново поглавје во нашата историја, ќе донесе нова енергија во нашето општество и ќе ја зацврсти европската идеја“, истакна Претседателката.

Амбасадорот Палминтери во своето обраќање истакна дека Италија верува во меѓународната соработка и доследно го промовира мирот и меѓусебното разбирање меѓу нациите. За него, овие цели и вредности отсекогаш биле основа на италијанската политика кон Балканот. Тој додаде дека Италија го разбира и силно го поддржува стремежот на нашата држава да стане полноправен член на Европската Унија.

На церемонијата на предавање на акредитивите, тој потенцираше дека негова мисија во Скопје е да ги поддржува нашите европски аспирации и да придонесе во унапредувањето на внатрешните реформи и економскиот развој. Исто така, тој изрази увереност дека искреното и цврсто пријателство меѓу двете земји ќе придонесе за заедничката безбедност, политичката стабилност и економскиот раст.

Претседателката Сиљановска-Давкова на амбасадорот му посака успешно извршување на дипломатската мисија и зајакнување на македонско-италијанските односи.

Категории

Categories

Kategori

Последни вести

Latest news

Lajmet e fundit

Благодарност од претседателката Сиљановска-Давкова до пријателските држави што пружија помош по трагедијата во Кочани

Благодарност од претседателката Сиљановска-Давкова до пријателските држави што пружија помош по трагедијата во Кочани

Претседателката Гордана Сиљановска-Давкова, во име на македонските граѓани и во свое лично име, изразува најискрена благодарност до сите пријателски држави што во моментите на национална трагедија и шок, предизвикани од кочанската апокалипса, пружија и сè уште пружаат...

Сиљановска – Давкова: Децата со аутизам се само поразлични, не се деца со маана

Сиљановска – Давкова: Децата со аутизам се само поразлични, не се деца со маана

Претседателката Гордана Сиљановска – Давкова денеска прими родители од Здружението на граѓани за третман на лица со аутизам, АДХД и Аспергерог синдром „Во мојот свет“, по повод 2 април - светскиот ден за подигање на свеста за аутизмот. На средбата, родителите истакнаа...

Средба на претседателката Сиљановска-Давкова со учесниците на програмата „Конекција Оксфорд“

Средба на претседателката Сиљановска-Давкова со учесниците на програмата „Конекција Оксфорд“

Претседателката Гордана Сиљановска-Давкова денеска ги прими учесниците на годинешната програма „Конекција Оксфорд“. На средбата присуствуваа д-р Костаке Милков, претседател на Балканскиот институт за вера и култура и...

Честитка од претседателката Сиљановска-Давкова по повод Рамазан бајрам

Честитка од претседателката Сиљановска-Давкова по повод Рамазан бајрам

Претседателката Гордана Сиљановска-Давкова, по повод големиот муслимански празник Рамазан бајрам, упати честитка до граѓаните од исламска вероисповед и до поглаварот на Исламската верска заедница Реис-ул-улема х. хфз. Шаќир еф. Фетаху. Почитуван  Реис-ул-улема х. хфз....

Претседателката Сиљановска-Давкова: Осумте децении работа на НУУБ ,,Св. Климент Охридски – Битола се долго духовно патување, посветен труд за зачувување и збогатување на библиотечниот фонд

Претседателката Сиљановска-Давкова: Осумте децении работа на НУУБ ,,Св. Климент Охридски – Битола се долго духовно патување, посветен труд за зачувување и збогатување на библиотечниот фонд

Претседателката Гордана Сиљановска-Давкова се обрати на свеченоста по повод одбележувањето на 80-годишниот јубилеј на Националната установа Универзитетска библиотека „Св. Климент Охридски“ – Битола. Во своето обраќање, таа ја истакна длабоката духовна и културна...