Presidentja Gordana Siljanovska Davkova priti sot në takim në vilën Biljana në Ohër Zëvendëskryeministrin dhe Ministrin e Punëve të Jashtme të Republikës së Çekisë, Petr Macinka, i cili ndodhet në vizitë zyrtare të vendit.
Në një bisedë të këndshme, ata arritën në përfundimin se marrëdhëniet maqedonase-çeke karakterizohen nga miqësia tradicionale, e bazuar në respekt dhe mirëkuptim të ndërsjellë. Në veprën e iluministëve “Shën Cirili dhe Metodi”, ata njohin trashëgimi të përbashkët të vlefshme me fuqi të madhe unifikuese.
Tema kryesore e bisedës ishte rruga e gjatë e Maqedonisë dhe e Ballkanit Perëndimor drejt Brukselit. Presidentja Siljanovska Davkova theksoi se statusi kandidat dy-dekadësh për anëtarësim në BE nuk rrjedh nga mosrespektimi i ligjit dhe praktikës europiane, por nga bllokadat e disa fqinjëve me natyrë identitare irracionale.
Ajo paralajmëroi se integrimi europian i Ballkanit Perëndimor nuk është vetëm çështje politike dhe teknike, por edhe çështje e sigurisë europiane.
Ministri Macinka vlerësoi se vendi i shtetit është në Bashkimin Europian. Sipas tij, Republika e Çekisë ka nevojë për aleatë me një të kaluar, mentalitet dhe kulturë të ngjashme.
Presidentja Siljanovska Davkova falënderoi Republikën e Çekisë për mbështetjen e saj parimore dhe të vazhdueshme të shprehur përmes iniciativës “Miqtë e Zgjerimit”, si dhe përmes angazhimit të Republikës së Çekisë brenda Grupit të Vishegradit dhe formatit Slavkov.
Të dy besojnë se bashkëpunimi i frytshëm në fushën e ekonomisë, turizmit, shkencës dhe arsimit do të vazhdojë, zgjerohet dhe përforcohet.
