Presidentja Gordana Siljanovska Davkova do ta udhëheqë delegacionin shtetëror maqedonas në Samitin e NATO-s, që do të mbahet sot dhe nesër, më 7 dhe 8 korrik 2026, në Ankara, Republika e Turqisë.
Delegacioni përfshihet nga Ministri i Punëve të Jashtme dhe Tregtisë së Jashtme, Timço Mucunski, Ministri i Mbrojtjes, Vlado Misajlovski, si dhe Shefi i Shtabit të Përgjithshëm të Armatës, Gjeneral Major Sashko Lafçiski.
Presidentja Siljanovska Davkova do të mbajë fjalim në takimin e Këshillit të Atlantikut të Veriut.
Në fokus të agjendës së këtij samiti do të jetë forcimi i sigurisë kolektive të Aleancës përmes investimeve më të mëdha në fushën e mbrojtjes, zhvillimin e industrisë së mbrojtjes dhe përmirësimin e aftësive mbrojtëse, si dhe vazhdimin e mbështetjes për Ukrainën.
Në margjinat e këtij samiti, Presidentja Siljanovska Davkova është planifikuar të takohet me krerët e delegacioneve nga disa prej shteteve anëtare të NATO-s.
