Presidentja Gordаna Siljanovska Davkova bisedoi me anëtarët e IN Orkestër dhome të Manastirit: u.d. drejtorin Dejan Cvetkovski, dirigjentin dhe themeluesin Vlladimir Dimovski, violinistin Nikolla Trajanovski dhe violonçelistin Ljupço Milevski.
Në fokusin e bisedës ishin sukseset, problemet dhe sfidat me të cilat përballohet orkestra.
Bashkëbiseduesit e njohën Presidenten me historinë e tyre muzikore prej katër dekadash, të cilën ata vazhduan ta shkruanin pas një pauze të shkurtër në vitin 2013.
Ata folën me dashuri për shfaqjet e shumta ndër vite, repertorin e larmishëm, bashkëpunimin me artistë të shquar vendas dhe të huaj, talentet e reja dhe koncertet e suksesshme.
Presidentja shprehu respekt për profesionalizmin dhe përkushtimin e tyre pasionant, për rezultatet e dukshme, të rëndësishme jo vetëm për Manastirin dhe publikun manastiras, por edhe më gjerë.
Duke evokuar momente të paharrueshme muzikore me ta, Presidentja e theksoi rëndësinë e investimit në kulturën muzikore dhe ndikimin pozitiv të tij në shëndetin shpirtëror të njerëzve dhe shtetit.
Ajo sheh tek ata artistë të mirë, kurse në muzikën e tyre si një frymëzim të fortë për brezat.
Të ftuarit shkëmbyen me Presidenten jo vetëm momentet e bukura, por edhe të vështira në jetën muzikore, kryesisht të natyrës financiare për shkak të buxhetit modest të institucionit.
Presidentja e vuri në dukje rëndësinë e mbijetesës së kësaj orkestre të njohur, të vetme jashtë kryeqytetit, duke theksuar se entuziazmi muzikor ka nevojë për një stimul financiar.
Pjesëmarrja e suksesshme e kësaj orkestre në festivale të shumta të njohura të muzikës klasike anembanë Evropës, si dhe përpunimi i shkëlqyer i muzikës origjinale maqedonase, dëshmon traditën e Manastirit për kultivimin e arteve, si dhe talentin e pashtershëm muzikor maqedonas.
Për Presidenten mbete e paharruar shfaqja e tyre në Romë gjatë festimit të ditës së Shën. Kirilit dhe Metodij.
Edhe Manastiri, publiku manastiras edhe publiku nga rajoni kanë nevojë të madhe për IN Orkesta e dhomës.
