Presidentja Gordana Siljanovska Davkova do të qëndrojë në vizitë zyrtare të Republikës së Sllovakisë duke filluar nga sot.
Nesër, të martën, më 2 qershor 2026, në Bratislavë, Presidentja Siljanovska Davkova do të pritet me nderimet më të larta shtetërore dhe ushtarake nga Presidenti i Republikës së Sllovakisë, Peter Pellegrini. Është planifikuar që Presidentët të zhvillojnë një takim kokë më kokë, më ç’rast do të mbahet edhe takim plenar i delegacioneve maqedonase dhe sllovake.
Gjithahstu, Presidentja Siljanovska Davkova do të takohet edhe me Presidentin e Këshillit Kombëtar të Republikës së Sllovakisë, Richard Rasi, si dhe me Zëvendëskryeministrin e Republikës së Sllovakisë dhe Ministrin e Mbrojtjes, Robert Kalinjak.
Presidentja Siljanovska Davkova është planifikuar që të vendosë kurorë me lule në Monumentin e Lirisë në Zonën Memoriale Devin. Në rast të kësaj vizite, Presidentja Siljanovska Davkova do ta vizitojë ekspozitën grupore “Nga glagolitika në dritë: Oda vizuale për Shën Cirilin dhe Metodin” në Qendrën Kombëtare të Kulturës dhe Arsimit në Bratislavë, ku do të ekspozohen vepra të artistëve maqedonas: Ana Mitevska, Angel Korunovski, Laze Tripkov dhe Aleksandra Kostadinovska.
