Presidentja Gordana Siljanovska Davkova, me ftesë të Presidentes së Konfederatës Zvicerane, Viola Amherd, më 15 dhe 16 qershor 2024 do të marrë pjesë në Samitin e Paqes në Ukrainë në Burgenstock në liqenin e Luzernit në Zvicër.
Në këtë samit është planifikuar që presidentja Siljanovska Davkova të ketë fjalimin e saj dhe të realizojë takime bilaterale me disa nga pjesëmarrësit e samitit.
Mbledhja synon të krijojë një forum për dialogun e nivelit të lartë mbi mënyrat për të arritur një paqe gjithëpërfshirëse, të drejtë dhe të qëndrueshme për Ukrainën në harmonizim me të drejtën ndërkombëtare dhe Kartën e OKB-së, për të promovuar një kuptim të përbashkët të një kuadri të mundshëm për arritjen e këtij qëllimi, dhe për të përcaktuar një udhërrëfyes se si të përfshihen të dyja palët në një proces të ardhshëm paqeje.
