Presidentja Gordana Siljanovska Davkova u prit sot në Bratislavë nga Presidenti i Republikës së Sllovakisë, Peter Pellegrini, në ceremoni zyrtare me nderimet më të larta shtetërore dhe ushtarake.
Presidentët zhvilluan takim kokë më kokë, i ndjekur nga takimi plenar i delegacioneve maqedonase dhe sllovake.
Fokusi i bisedimeve ishte vlerësimi dhe avancimi i marrëdhënieve dypalëshe, me theks mbi bashkëpunimin politik, integrimin tonë maratonë europian, si dhe mbështetjen e Sllovakisë gjatë këtij procesi. Gjithashtu, tema e dialogut ishte: bashkëpunimi ekonomik, tregtia dhe investimet, si dhe mundësitë për partneritet të zgjeruar në fushën e energjisë, infrastrukturës, turizmit dhe inovacionit.
Bashkëbiseduesit shkëmbyen mendime mbi situatën aktuale të sigurisë dhe gjeopolitikës në Europë, bashkëpunimin në kuadër të NATO-s, si dhe nevojën për stabilitet dhe perspektivë të qartë europiane për rajonin.
Në kuadër të vizitës zyrtare, Presidentja Siljanovska Davkova do të takohet me Kryetarin e Këshillit Kombëtar të Republikës Sllovake, Rihard Rashi, si dhe me Zëvendëskryeministrin e Qeverisë së Republikës së Sllovakisë dhe Ministrin e Mbrojtjes, Robert Kalinjak.
