Në ceremoni zyrtare me nderimet më të larta shtetërore dhe ushtarake, Presidentja Gordana Siljanovska Davkova u prit sot në Lubjanë nga Presidentja e Republikës së Sllovenisë, Natasa Pirc Musar.
Presidentet zhvilluan një takim kokë më kokë, i ndjekur nga një takim plenar i delegacioneve maqedonase dhe sllovene.
Temat e diskutimit ishin marrëdhëniet dypalëshe, integrimi europian i Maqedonisë, situatat aktuale gjeopolitike, arkitektura e sigurisë së Ballkanit Perëndimor dhe roli i NATO-s, përmes prizmit të angazhimit të përbashkët ndaj rendit shumëpalësh dhe projektit politik europian.
Presidentja Siljanovska Davkova theksoi se besueshmëria e integrimit europian varet nga zbatimi konsistent i kritereve të Kopenhagës: stabiliteti i institucioneve demokratike, sundimi i ligjit, të drejtat e njeriut dhe respekti për pakicat, ekonomia e tregut, aftësia për t’u përballur me detyrimet e anëtarësimit, të përfshira në Traktatin e BE-së.
Në kuadër të vizitës zyrtare, Presidentja Siljanovska Davkova është paraparë që të takohet me Kryetarin e Dumës Shtetërore të Republikës së Sllovenisë, Zoran Stevanoviq.
