Presidentja Gordana Siljanovska-Davkova është në vizitë pune të Republikës së Austrisë duke filluar nga sot, me rastin e pjesëmarrjes së saj në Samitin e 22-të Europian në Salzburg.
Presidentja Siljanovska Davkova është planifikuar të mbajë fjalim në sesion me temën “A është Europa (ende) lojtar global?”.
Presidentja Siljanovska Davkova do të takohet me Presidentin e Institutit të Rajoneve të Europës, Franz Schausberger, si dhe me Guvernatoren e Shtetit Federal të Salzburgut, Caroline Etstadler, ndërsa do ta vizitojë gjithashtu Seminarin Global në Salzburg.
Gjatë qëndrimit të saj, Presidentja Siljanovska Davkova do të vizitojë Komunën e Kishës Ortodokse Maqedonase “Shën Kryeengjëlli Mikael” në Hallein.
Samiti Europian në Salzburg është takim vjetor i organizuar nga Instituti i Rajoneve të Europës. Ngjarja bashkon politikanë kryesorë, diplomatë, ekspertë dhe liderë biznesi. Tema kryesore e samitit të këtij viti është “Europa – lojtari sovran global?”, me fokus mbi sigurinë e kontinentit, konkurrencën ekonomike, ndryshimet demografike dhe zgjerimin e BE-së.
