Presidentja Gordana Siljanovska Davkova nga sot po qëndron në vizitë zyrtare në Republikën e Sllovenisë.
Nesër, të hënën, më 18 maj 2026, në Lubjanë, Presidentja Siljanovska Davkova do të pritet me nderimet më të larta shtetërore dhe ushtarake nga Presidentja e Republikës së Sllovenisë, Natasha Pirc Musar. Është planifikuar që presidentet të zhvillojnë takim ballë për ballë, me ç’rast do të zhvillohet edhe një takim plenar i delegacioneve të Maqedonisë dhe Sllovenisë.
Presidentja Siljanovska Davkova do të takohet me Kryetarin e Asamblesë Kombëtare të Republikës së Sllovenisë, Zoran Stevanoviq.
Gjithashtu, Presidentja Siljanovska Davkova është planifikuar të vendosë kurorë me lule në Monumentin e Viktimave të të Gjitha Luftërave dhe Viktimave të Lidhura me Luftën.
Presidentja Siljanovska Davkova do të vizitojë Kishën Ortodokse Maqedonase “Shën Kliment i Ohrit” në Lubjanë dhe do të takohet me anëtarë të Lidhjes së Shoqatave Kulturore Maqedonase dhe bordeve kishtare. Ajo do të takohet gjithashtu edhe me emigrantë maqedonas që punojnë në fushat e shkencës, kulturës dhe mjekësisë.
Presidentja Siljanovska Davkova do të zhvillojë takim me anëtarët e Klubit të Biznesit Maqedonas-Slloven, ndërsa në Kranj do të vizitojë Shoqatën Kulturore Maqedonase.
Të martën, më 19 maj 2026, Presidentja Siljanovska Davkova do të mbajë ligjeratë në Fakultetin Juridik në Lubjanë me temën: “Transformimet Kushtetuese në Rrugën drejt BE-së: Reforma apo Inxhinieri Kushtetuese?”.
