Presidentja Gordana Siljanovska Davkova u drejtua në Konferencën e XX-të të Presidentëve dhe Kryetarëve të Parlamenteve të vendeve pjesëmarrëse në Iniciativën Adriatiko-Joniane, të organizuar nga Parlamenti i Maqedonisë në cilësinë e kryetarit të vendit të iniciativës për periudhën 2025-2026.
Presidentja Siljanovska Davkova theksoi se diplomacia parlamentare luan rolin kyç në ruajtjen e paqes dhe stabilitetit në rajon përmes bashkëpunimit intensiv në kohë sfidash dhe pasigurie të thella globale.
Duke iu referuar rolit të parlamenteve në sistemet politike, Presidentja Siljanovska Davkova shprehu shqetësim për baraspeshën e çrregulluar të tri pushteteve, që është e nevojshme për demokracinë parlamentare.
Ajo vuri në dukje mekanizmat e kontrollit të dobësuar në mënyrë të dukshme mbi pushtetin ekzekutive. Sipas saj, marrëdhëniet ndërkombëtare nuk duhet të jenë vetëm në duart e ekzekutivit, por edhe të parlamenteve si krijues të politikës ndërkombëtare.
Për Presidenten Siljanovska Davkova, diplomacia parlamentare mund të luajë një rol të pazëvendësueshëm në krijimin, ruajtjen dhe garantimin e paqes, duke pasur parasysh përbërjen pluraliste dhe dialogun politik transparent. Parlamentet, legjitimiteti i të cilave buron drejtpërdrejt nga populli, për atë janë shkolla politike të demokracisë në të cilat mësohet dhe kultivohet dialogu midis qeverisë dhe opozitës.
Presidentja Siljanovska Davkova theksoi nevojën për reforma të thella të OKB-së dhe BE-së, të cilat filluan si projekte paqeje, por po përballen me sfida ushtarake.
Sipas saj, është koha të rishqyrtohet qëndrimi i BE-së ndaj procesit të zgjerimit. Ajo theksoi se vetë Bashkimi Europian përballet me një deficit demokratik, i dukshëm nga dominimi i Këshillit Europian mbi Parlamentin Europian dhe Komisionin Europian.
Presidentja Siljanovska Davkova inkurajon Bashkimin Europian që të ndërmarrë një hap të guximshëm si në vitin 2004, i cili do t’i japë fund ndarjes artificiale të Lindjes dhe Perëndimit dhe do t’i japë fund ballkanizimit.
“Është koha për integrimin politik të Ballkanit Perëndimor në familjen europiane” deklaroi Presidentja Siljanovska Davkova.
Në Panelin e titulluar “Promovimi i Paqes dhe Stabilitetit përmes Diplomacisë Parlamentare”, i moderuar nga Kryetari i Parlamentit Afrim Gashi, u drejtuan edhe Sekretari i Përgjithshëm i IAJ-së, Giovanni Castellaneta, Zëvendësministri i Punëve të Jashtme dhe Tregtisë së Jashtme, Zoran Dimitrovski, ish-Ministri dhe deputeti Rizvan Sulejmani, dhe deputetja dhe Presidentja e Klubit të Çështjeve dhe Politikave Rinore të Parlamentit, Dragana Bojkovska.
Në këtë debat morën pjesë presidentët dhe nënkryetarët e dhomave legjislative të Serbisë, Kroacisë, Malit të Zi, Italisë dhe Bosnjës dhe Hercegovinës, si dhe përfaqësues të trupit diplomatik nga vendi.
Ata u përpoqën për një qasje të koordinuar dhe të përgjegjshme nga Parlamenti Europian, si dhe nga parlamentet kombëtare, ndërsa arritën në përfundimin se nevojitet bashkëpunim edhe më intensiv brenda rajonit Adriatiko-Jonian.
