Presidentja Gordana Siljanovska Davkova do të marrë pjesë në Samitin e Krerëve të Shteteve dhe Qeverive të Procesit të Bashkëpunimit të Europës Juglindore (PBEJL) në Sofje, Republika e Bullgarisë, sot (e mërkurë, më 10 qershor 2026).
Ajo do të mbajë fjalim në seancën plenare me temën “Busulli drejt Stabilitetit, Sigurisë dhe Qëndrueshmërisë”.
Samiti organizohet nga Presidentja e Republikës së Bullgarisë, Iliana Jotova. Përveç Presidentes së Maqedonisë, në këtë samit do të marrin pjesë edhe Presidenti i Republikës së Shqipërisë, Bajram Begaj, Kryetari i Presidencës së Bosnjës dhe Hercegovinës, Denis Beçiroviq, Presidentja në detyrë e Republikës së Kosovës, Albulena Haxhiu, Presidentja e Republikës së Sllovenisë, Natasha Pirc Musar, Presidenti i Malit të Zi, Jakov Milatović, Kryeministri i Republikës së Moldavisë, Alexandru Munteanu, Ministri i Punëve të Jashtme i Republikës së Turqisë, Hakan Fidan, Ministri i Punëve të Jashtme i Republikës së Greqisë, Giorgos Gerapetritis, Ministri i Punëve të Jashtme dhe Çështjeve Europiane të Republikës së Kroacisë, Gordan Grlić-Radman, si dhe Sekretari i Përgjithshëm i Këshillit të Bashkëpunimit Rajonal, Amer Kapetanović.
Në margjinat e këtij samiti planifikohen takime dypalëshe të Presidentes së Maqedonisë, Gordana Siljanovska Davkova me Presidenten e Republikës së Bullgarisë, Iliana Jotova, si dhe me Presidenten në detyrë të Republikës së Kosovës, Albulena Haxhiu.
